నిరంతరాయ, వేగవంతమైన ఇంటర్నెట్‌ సర్వీసులు అందించడంపై దేశీ టెలికం దిగ్గజాలు మరింతగా దృష్టి పెడుతున్నాయి. ఇందులో భాగంగా సముద్రగర్భంలో కేబుల్స్‌ వేసే కన్సార్షియం ’ఎస్‌ఈఏ–ఎంఈ–డబ్ల్యూఈ–6’తో ఎయిర్‌టెల్‌ చేతులు కలిపింది. దీనికి సంబంధించిన మొత్తం పెట్టుబడుల్లో 20 శాతం మేర ఇన్వెస్ట్‌ చేయనుంది.
ఎస్‌ఈఏ–ఎంఈ–డబ్ల్యూఈ–6 గురించి కొన్ని అంశాలు..
- వ్యవస్థ 2025 నాటికి అందుబాటులోకి రానుంది.
- సింగపూర్‌ను ఫ్రాన్స్‌కు అనుసంధానం చేసే ఈ కేబుల్‌ నెట్‌వర్క్‌ దాదాపు 19,200 ఆర్‌కేఎం (రూట్‌ కిలోమీటర్ల) పొడవు ఉంటుంది. ప్రపంచంలోనే ఇది అత్యంత పొడవైన అండర్‌సీ కేబుల్‌ వ్యవస్థ కానుంది.
- ఎస్‌ఈఏ–ఎంఈ–డబ్ల్యూఈ–6లో బంగ్లాదేశ్, సింగపూర్, మలేసియా, ఇండోనేసియా, థాయ్‌లాండ్, శ్రీలంక, ఇండియా, పాకిస్తాన్, సౌదీ అరెబియా, ఖతర్, ఒమన్, యూఏఈ, జిబౌటి, ఈజిప్ట్, టర్కీ, ఇటలీ, ఫ్రాన్స్, మయన్మార్, యెమెన్‌ దేశాలు సభ్యులుగా ఉన్నాయి.
- ఈ కన్సార్షియంలో బంగ్లాదేశ్ సబ్‌మెరీన్‌ కేబుల్‌ కంపెనీ(బీఎస్‌సీసీఎల్‌), ధిరాగు (మాల్దీవులు), మొబిలి (సౌదీ), సింగ్‌టెల్‌ (సింగపూర్) తదితర 12 సంస్థలు ఉన్నాయి.
- ఈ వ్యవస్థలో భాగంగా సింగపూర్–చెన్నై–ముంబై మధ్య కేబుల్‌ నెట్‌వర్క్‌ను ఎయిర్‌టెల్‌ సహ నిర్మిస్తుంది.
ఎస్‌ఈఏ–ఎంఈ–డబ్ల్యూఈ–6 విపులీకరణ ఇలా..: సౌత్‌ ఈస్ట్‌ ఆసియా–మిడిల్‌ ఈస్ట్‌–వెస్ట్రన్‌ యూరప్‌ 6
చ‌ద‌వండి: ప్రస్తుతం కేంద్ర ఎలక్ట్రానిక్స్, ఐటీ శాఖ మంత్రిగా ఎవరు ఉన్నారు?
క్విక్‌ రివ్యూ :
ఏమిటి : ఎస్‌ఈఏ–ఎంఈ–డబ్ల్యూఈ–6తో చేతులు కలిపిన సంస్థ?
ఎప్పుడు : ఫిబ్రవరి 21
ఎవరు : దేశీ టెలికం దిగ్గజం ఎయిర్‌టెల్‌
ఎందుకు : ఎస్‌ఈఏ–ఎంఈ–డబ్ల్యూఈ–6 వ్యవస్థలో భాగంగా సింగపూర్–చెన్నై–ముంబై మధ్య కేబుల్‌ నెట్‌వర్క్‌ను ఎయిర్‌టెల్‌ సహ నిర్మించేందుకు..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
