2021లో చంద్రయాన్-3 ప్రయోగం : శివన్

Sakshi Education

2021లో చంద్రయాన్-3 ప్రయోగాన్ని చేపట్టే అవకాశం ఉందని భారత అంతరిక్ష పరిశోధనా సంస్థ(ఇస్రో) చైర్మన్ కె.శివన్ ప్రకటించారు.

చంద్రయాన్-2లో మాదిరిగానే చంద్రయాన్-3లోనూ ల్యాండర్, రోవర్, ప్రొపల్షన్ మాడ్యూల్ ఉంటాయని అన్నారు. ఈ మేరకు జనవరి 1న ఏర్పాటు చేసిన విలేకరుల సమావేశంలో శివన్ వెల్లడించారు.

శివన్ వెల్లడించిన వివరాల ప్రకారం...

చంద్రయాన్-2లో ఆర్బిటర్ మిషన్ జీవితకాలం 7 సంవత్సరాలు. చంద్రయాన్-3లోనూ దీనిని ఉపయోగిస్తారు.
చంద్రయాన్-2 కంటే చంద్రయాన్-3 ప్రయోగానికి తక్కువ ఖర్చు అవుతుంది. ఈ ప్రయోగానికి రూ.250 కోట్లు ఖర్చు కావచ్చని అంచనా.
- వేగాన్ని నియంత్రించే వ్యవస్థ విఫలమవడం వల్లనే చంద్రయాన్-2లోని విక్రమ్ ల్యాండర్ క్రాష్ ల్యాండింగ్ అయింది.
ప్రతిష్టాత్మక గగన్‌యాన్ కార్యక్రమంలో భాగంగా శిక్షణ పొందడానికి భారత వాయు సేనకు చెందిన నలుగురు సిబ్బంది ఎంపికయ్యారు. జనవరి మూడో వారంలో వీరికి రష్యాలో శిక్షణ ప్రారంభంకానుంది.
2020 ఏడాదిలో ఇస్రో సుమారు 25 వరకు ప్రయోగాలు చేపట్టేందుకు ప్రణాళికలు రూపొందించింది.
త్వరలోనే ఇస్రో టెలివిజన్ చానెల్ ఆవిష్కరణ ఉంటుంది.