Mahaveer Chakra కల్నల్‌ సంతోష్‌బాబు సతీమణికి రూ.1.25 కోట్ల నగదు పురస్కారం

చైనా సైనికులతో జరిగిన ఘర్షణలో అమరుడైన కల్నల్‌ బి.సంతోష్‌ బాబు సతీమణి బి.సంతోషికి రూ.1.25 కోట్ల నగదు పురస్కారాన్ని తెలంగాణ రాష్ట్ర ప్రభుత్వం అందజేయనుంది. సంతోష్‌బాబు మరణానంతరం ప్రతిష్టాత్మకమైన ‘మహావీర్‌ చక్ర’ పురస్కారానికి ఎంపికైనందున .. నిబంధనల మేరకు ఈ నగదును మంజూరు చేస్తూ ప్రభుత్వ ప్రధాన కార్యదర్శి సోమేశ్‌కుమార్‌ బుధవారం ఉత్తర్వులు జారీ చేశారు. బి.సంతోషికి ఈ నగదును అందజేయాలని హైదరాబాద్‌ జిల్లా కలెక్టర్‌ను ఆయన ఆదేశించారు.