Skip to main content

Miss Universe 2021: విశ్వసుందరి కిరీటాన్ని గెలుచుకున్న భారతీయ యువతి?

Harnaaz Sandhu

భారతీయ యువతి హర్నాజ్‌ కౌర్‌ సంధు 2021 ఏడాది విశ్వసుందరి (మిస్‌ యూనివర్స్‌) కిరీటాన్ని గెలుచుకుంది. ఇజ్రాయెల్‌లోని ఐలాట్‌ నగరం వేదికగా డిసెంబర్‌ 12న(స్థానిక కాలమానం ప్రకారం) జరిగిన 70వ విశ్వసుందరి పోటీల్లో 80 దేశాల నుంచి అందగత్తెలు పోటీపడ్డారు. తుది రౌండ్‌లో న్యాయ నిర్ణేతలు ‘గ్లోబల్‌ వార్మింగ్‌’ అంశానికి సంబంధించి అడిగిన ప్రశ్నకు అద్భుతమైన రీతిలో సమాధానం చెప్పిన 21 ఏళ్ల హర్నాజ్‌ విజేతగా నిలిచింది. దీంతో 21 ఏళ్ల తర్వాత భారత్‌కు మిస్‌ యూనివర్స్‌ కిరీటం దక్కినట్లయింది. సుస్మితాసేన్‌(1994), లారా దత్తా(2000) తర్వాత మిస్‌ యూనివర్స్‌గా నిలిచిన మూడో భారతీయ యువతిగా హర్నాజ్‌ గుర్తింపు పొందింది. హర్నాజ్‌ తర్వాత పరాగ్వే సుందరి నదియా ఫెరారియా(22) ద్వితీయ స్థానం, దక్షిణాఫ్రికా అందగత్తె లలేలా మ్సా్వనే (24) మూడో స్థానం దక్కించుకున్నారు.

యోగా ఔత్సాహికురాలు..

Harnaaz 2 1

2000, మార్చి 3న పంజాబ్‌లోని గురుదాస్‌పూర్‌లో పంజాబీ కుటుంబంలో హర్నాజ్‌ జన్మించింది. తర్వాత కాలంలో ఆమె కుటుంబం చండీగఢ్‌లో స్థిరపడింది. ఇన్‌ఫర్మేషన్‌ టెక్నాలజీలో డిగ్రీ చేసిన హర్నాజ్‌... ప్రస్తుతం పబ్లిక్‌ అడ్మినిస్ట్రేషన్‌లో మాస్టర్స్‌ డిగ్రీ చేస్తోంది. యోగా ఔత్సాహికురాలైన ఆమె గుర్రపు స్వారీ, ఈత, డ్యాన్స్, యాక్టింగ్, ట్రావెలింగ్‌ని ఇష్టపడుతుంది. 17 ఏళ్లకే మోడలింగ్‌లో అడుగుపెట్టి..  2017లో ‘మిస్‌ చండీగఢ్‌’ కిరీటాన్ని గెలుచుకుంది. 2019లో ‘మిస్‌ ఇండియా’లో సెమీ ఫైనలిస్ట్‌ దశకు చేరుకుంది. లివా మిస్‌ దివా యూనివర్స్‌–2021లోనూ విజేతగా నిలిచింది.

నటిగానూ..

హిందీ, పంజాబీ, ఇంగ్లిష్‌ భాషల్లో అనర్గళంగా మాట్లాడగలిగిన హర్నాజ్‌ మోడలింగ్‌ చేస్తూనే సినిమాల్లో నటించే అవకాశాలను పొందింది. ‘బాయి జీ కుట్టాంగే, యారా దియా పూబరన్‌’ అనే పంజాబీ సినిమాలలో నటించింది. ప్రకృతి అంటే ఇష్టపడే ఆమె.. పర్యావరణాన్ని కాపాడండి అని గొంతెత్తి చెబుతోంది.
చ‌ద‌వండి: ఇందిరా గాంధీ శాంతి బహుమతికి ఎంపికైన సంస్థ?

క్విక్‌ రివ్యూ   :
ఏమిటి    :
2021 ఏడాది విశ్వసుందరి (మిస్‌ యూనివర్స్‌) కిరీటాన్ని గెలుచుకున్న భారతీయ యువతి?
ఎప్పుడు : డిసెంబర్‌ 12
ఎవరు  : హర్నాజ్‌ కౌర్‌ సంధు
ఎక్కడ : ఐలాట్, ఇజ్రాయెల్‌

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌

Published date : 14 Dec 2021 06:49PM

Photo Stories