Telangana Schools and Colleges Holidays : తెలంగాణలో జూలై 12వ తేదీన స్కూళ్లు, కాలేజీలు బంద్‌.. ఎందుకంటే..?

Sakshi Education

సాక్షి ఎడ్యుకేష‌న్ : తెలంగాణ‌లో ప్రైవేటు స్కూల్స్‌లో ఫీజులను భారీగా పెంచారు. అలాగే వివిధ ర‌కాల అక్రమ ఫీజుల పేరుతో దోపిడీ చేస్తున్నారు. ఈ నేప‌థ్యంలో విద్యార్థుల సమస్యలపై విద్యార్థి సంఘాలు ఆందోళనలకు సిద్ధమవుతున్నాయి.

Telangana Schools and Colleges Holiday July 12th 2023 — Telangana Schools Holiday

ప్రైవేటు విద్యా సంస్థలు ఫీజుల వసూలుకు వ్యతిరేకంగా అఖిల భారత విద్యార్థి పరిషత్(ఏబీవీపీ) పలు నిరసన కార్యక్రమాలను ఇప్పటికే కొనసాగిస్తోంది.

☛ July and August School Holidays 2023 list : ఈ నెల జూలై, వ‌చ్చే నెల‌ ఆగ‌స్టులో స్కూల్స్‌కు భారీగా సెల‌వులు.. ఎందుకంటే..?

తెలంగాణలోనూ గత నెలలో కూడా బంద్ నిర్వహించిన విష‌యం తెల్సిందే. ఇప్పుడు మ‌రో సారి తెలంగాణలో విద్యా రంగంలో జరుగుతోన్న అక్రమ ఫీజు దోపిడీకి వ్యతిరేకంగా నిరసన చేపట్టాలని వామపక్ష విద్యార్థి సంఘం (ఏఐఎస్‌ఎఫ్‌) నిర్ణయించింది. ఇందులో భాగంగానే జులై 12వ తేదీన (బుధ‌వారం) విద్యా సంస్థలు బంద్ చేయాలంటూ పిలుపునిచ్చింది.

విద్యార్థుల పట్ల ప్రభుత్వం చిన్న చూపు చూస్తుందంటూ..

ఏఐఎస్‌ఎఫ్‌ నాయకులు హైదరాబాద్‌లోని కార్యాలయంలో సమాశమయ్యారు. ఈ సందర్భంగా వారు పలు అంశాలపై చర్చించారు. తెలంగాణ ప్రభుత్వం విద్యా రంగ సంక్షేమాన్ని పట్టించుకోవడం లేదంటూ నాయకులు విమర్శించారు. విద్యా రంగానికి బడ్జెట్‌లో సరైన కేటాయింపులు చేయడం లేదంటూ, విద్యార్థుల పట్ల ప్రభుత్వం చిన్న చూపు చూస్తుందంటూ ఆరోపించారు. విద్యా రంగంలో ఉన్న సమస్యలను వెంటనే పరిష్కరిలంచాలని, స్కూల్‌ ఫీజులను తగ్గించాలనే డిమాండ్‌తో జులై 12వ తేదీ (బుధవారం) రాష్ట్ర వ్యాప్తంగా విద్యా సంస్థలన్నీ బంద్‌ చేయాలంటూ పిలుపునిచ్చింది.

తెలంగాణ‌లో 2023-24 అకడమిక్ ఇయర్‌లో ప‌రీక్ష‌లు- సెల‌వులు ఇవే..

ts schools holiday list 2023 telugu news

☛ 2023-24 అకడమిక్‌ ఇయర్‌కు సంబంధించి మొత్తం 229 పనిదినాలు ఉన్నాయి.
☛ బడుల్లో ప్రతి రోజూ ఐదు నిమిషాల పాటు యోగా ధ్యానం చేయించాలి
☛ 2024 జనవరి పదవ తేదీ వరకు పదో తరగతి సిలబస్ పూర్తి చేయాలి
☛ 2024 మార్చిలో పదో తరగతి పరీక్షలు జరగనున్నాయి
☛ అక్టోబర్ 14 నుంచి 25 వరకు దసరా సెలవులు
☛ జనవరి 12 నుంచి 17 వరకు సంక్రాంతి సెలవులు
☛ ఒకటి నుంచి తొమ్మిది తరగతుల వరకు ఏప్రిల్ 8 నుంచి 18 వరకు ఎస్ఏ 2 పరీక్షలు
☛ 2024 ఏప్రిల్ 24 నుంచి జూన్ 11 వరకు వేసవి సెలవులుగా అకడమిక్‌ ఇయర్‌ క్యాలెండర్‌లో పేర్కొంది తెలంగాణ ప్రాథమిక విద్యాశాఖ.

☛ AP CM YS Jagan Mohan Reddy : స్కూల్ అకడమిక్‌ క్యాలెండర్‌ 2023–24 విడుదల.. 10, 12వ తరగతి పరీక్షల్లో ఫెయిలైన విద్యార్థులకు తిరిగి అడ్మిషన్ ఇచ్చేలా..

Published date : 10 Jul 2023 06:48PM