appsc pending and upcoming jobs notifications 2024 details

Sakshi Education

సాక్షి ఎడ్యుకేష‌న్ : ఆంధ్రప్రదేశ్‌ రాష్ట్రంలో కూట‌మి ప్రభుత్వం ఏర్పాటై దాదాపు 100 రోజులు పైగా అయిన విష‌యం తెల్సిందే. అయితే మూడు నెల‌ల త‌ర్వాత‌ ఎట్ట‌కేల‌కు నూతన ఏపీపీఎస్సీ చైర్‌పర్సన్‌గా రిటైర్డ్‌ ఐపీఎస్‌ అధికారిణి ఏఆర్‌ అనురాధను నియమించారు.

దీంతో కొన్ని వేల మంది నిరుద్యోగులు ఇక‌పై అయినా ఏపీపీఎస్సీ ద్వారా ఉద్యోగ నోటిఫికేష‌న్లు విడుద‌ల చేస్తార‌నే ఎంతో ఆశ‌తో ఉన్నారు. ఇంత వ‌ర‌కు కూట‌మి ప్ర‌భుత్వం ఒక్క ఉద్యోగ‌ నోటిఫికేష‌న్ కూడా విడుద‌ల చేయ‌లేదు. ఈ ప్ర‌భుత్వంలో ప్ర‌క‌ట‌న‌లే కానీ.. ఉద్యోగ నియామకాలు, కొత్త నోటిఫికేషన్లు ముందుకు కదలడం లేదు.

ఇప్పటికే ప్రకటించిన పలు నోటిఫికేషన్లు...
ఇప్పటికే ప్రకటించిన పలు నోటిఫికేషన్లకు సంబంధించిన పరీక్షలు నిలిచిపోయాయి. మరి కొన్ని పరీక్షల తేదీలు కూడా ప్రకటించలేదు. ఈ క్రమంలో ఏపీపీఎస్సీ చైర్మన్‌పర్సన్‌గా నియమితులైన ఏఆర్‌.అనురాధ ముందు ఎన్నో స‌వాళ్లు ఉన్నాయి.

➤☛ Inspirational Success Story : టెన్త్ ఫెయిల్ అయ్యాక‌... లారీ మెకానిక్‌గా చేశా...పాలు, పేప‌ర్‌ వేశాను... ఈ క‌సితోనే చ‌దివి... గ‌వ‌ర్న‌మెంట్ జాబ్ కొట్టానిలా...

భ‌ర్తీ చేయాల్సిన పోస్టులు ఇవే...
ఆయుష్ విభాగంలో సర్టిఫికెట్ వెరిఫికేషన్ పూర్తై అభ్యర్థులు పోస్టింగ్స్ కోసం చూస్తున్నారు. గ్రూప్-1, గ్రూప్‌-2, DEO, డిగ్రీ, పాలిటెక్నిక్, జూనియర్ లెక్చరర్లు వంటి పోస్టులు భర్తీ చేయాల్సి ఉంది. వీటితో పాటు ఫారెస్ట్ బీట్ ఆఫీసర్లు, రేంజ్ ఆఫీసర్స్ ఉద్యోగ నోటిఫికేషన్ల కోసం అభ్యర్థులు ఎదురుచూస్తున్నారు. అలాగే వివిధ శాఖ‌ల్లో ప్ర‌భుత్వ ఉద్యోగాలు చాలా ఖాళీలు ఉన్నాయి. వీటికి కూడా భ‌ర్తీ చేయాల్సిన ఉంది.