Sakshi Education
సాక్షి, అమరావతి: గ్రూప్ 2 పోస్టులకు ఎంపికై న అభ్యర్థుల ఒరిజినల్ ధ్రువపత్రాలను ఈ నెల 24 నుంచి మార్చి 5వ తేదీ వరకు ఏపీపీఎస్సీ పరిశీలించనుంది.
ఇందుకు సంబంధించి 858 మంది అభ్యర్థులకు కాల్ లెటర్లు స్పీడ్ పోస్టులో పంపించామని కమిషన్ కార్యదర్శి పీఎస్సార్ ఆంజనేయులు గురువారం ఒక ప్రకటనలో పేర్కొన్నారు. అభ్యర్థులు ఏఏ తేదీల్లో ధ్రువపత్రాల పరిశీలనకు హాజరుకావాలో తెలియజేస్తూ ఏపీపీఎస్సీ ఇంతకుముందే షెడ్యూల్ విడుదల చేసింది. అభ్యర్థులు కాల్ లెటర్‌తోపాటు, పరిశీలనాంశాలకు సంబంధించిన ప్రొఫార్మాను కమిషన్ వెబ్‌సైట్ నుంచి డౌన్‌లోడ్ చేసుకోవచ్చు. ఈ నోటిఫికేషన్లోని 9వ ఐటెమ్‌లో పేర్కొన్న పోస్టుకోడ్‌లను 15, 17, 27లుగా గుర్తించాలని సూచించారు. ఈ పోస్టు కోడ్‌లకు అదనపు అర్హతలకు సంబంధించి సాంకేతిక విద్యా మండలి జారీచేసిన కంప్యూటర్ కోర్సుల ధ్రువపత్రాలను సమర్పించాల్సి ఉంటుందని వివరించారు.
Published date : 14 Feb 2020 03:51PM
