Skip to main content

Assistant Engineer Exam Pattern: అసిస్టెంట్‌ ఇంజనీర్ సిల‌బ‌స్ ఇదే...రాత పరీక్ష ఇలా

ఆంధ్రప్రదేశ్ ప్ర‌భుత్వం డిప్లొమా, బీటెక్‌ ఉత్తీర్ణులకు ఏఈ (అసిస్టెంట్‌ ఇంజనీర్‌) స్థాయి ఉద్యోగాల భర్తీకి నోటిఫికేష‌న్ విడుద‌ల చేసిన విష‌యం తెలిసిందే.

దీనిద్వారా పలు శాఖల్లో 190 అసిస్టెంట్‌ ఇంజనీర్‌ పోస్టుల భర్తీకి ఎంపిక ప్రక్రియ చేపట్టనుంది.

రాత ప‌రీక్ష విధానం:
రాత పరీక్ష పూర్తిగా ఆన్‌లైన్‌ విధానంలో, కంప్యూటర్‌ బేస్డ్‌ టెస్ట్‌గా నిర్వహిస్తారు. ఈ పరీక్షలో ప్రశ్నలన్నీ ఆబ్జెక్టివ్‌ విధానంలోనే ఉంటాయి. ప్రశ్నపత్రం పూర్తిగా ఇంగ్లిష్‌ మీడియంలోనే ఉంటుంది.

రాత పరీక్ష ఇలా..
పేపర్‌ సబ్జెక్ట్‌ ప్రశ్నలు మార్కులు సమయం
1 జనరల్‌ స్టడీస్‌ అండ్‌ మెంటల్‌ ఎబిలిటీ 150 150 150 ని
2 సివిల్‌/మెకానికల్‌ 150 150 150 ని
3 ఎన్విరాన్‌మెంటల్‌ ఇంజనీరింగ్‌/సివిల్‌ 150 150

150 ని

☛ పేపర్‌–3 పబ్లిక్‌ హెల్త్‌ అండ్‌ మున్సిపల్‌ ఇంజనీరింగ్‌ శాఖలో ఎన్విరాన్‌మెంట్‌/సివిల్‌ ఏఈ పోస్ట్‌లకు మాత్రమే (పోస్ట్‌ కోడ్‌–3) నిర్వహిస్తారు.
☛ పేపర్‌ 2 అన్ని శాఖల్లోని సివిల్‌/మెకానికల్‌ పోస్ట్‌లకు దరఖాస్తు చేసుకునే అభ్యర్థులకు ఉమ్మడిగా ఉంటుంది. ఈ ప్రశ్న పత్రం డిప్లొమా స్థాయిలో ఉంటుంది. 
☛ నెగెటివ్‌ మార్కింగ్‌ విధానం కూడా అమలు చేయనున్నారు. ప్రతి తప్పు సమాధానానికి 1/3 మార్కులను తగ్గిస్తారు.

విజయానికి స‌రైన‌ మార్గం ఇదిగో..
పేపర్‌–1 ఇలా..
పేపర్‌–1 జనరల్‌ స్టడీస్‌లో.. జాతీయ, అంతర్జాతీయ, ప్రాంతీయ సమకాలీన అంశాలు, జనరల్‌ సైన్స్, సైన్స్‌ అండ్‌ టెక్నాలజీ; ఏపీ, ఇండియా హిస్టరీ; పాలిటీ, గవర్నెన్స్‌; ఏపీలో అమలవుతున్న ఈ–గవర్నెన్స్‌ విధానాలు;
ఆర్థికాభివృద్ధి అంశాలు, ఏపీలో ఆర్థికాభివృద్ధికి చేపడుతున్న చర్యలు; డిజాస్టర్‌ మేనేజ్‌మెంట్‌; ఏపీ, ఇండియా ఫిజికల్‌ జాగ్రఫీ అంశాలపై దృష్టి పెట్టాలి. 
అదేవిధంగా లాజికల్‌ రీజనింగ్‌కు సంబంధించి వెర్బల్, నాన్‌–వెర్బల్‌ రీజనింగ్, అర్థమెటిక్, డేటా ఇంటర్‌ప్రిటేషన్‌లను ప్రాక్టీస్‌ చేయాలి. డేటా అనాలిసిస్‌ విషయంలో డేటా విశదీకరణ, విశ్లేషణ, డేటా రూపకల్పన తదితర అంశాలపై అవగాహన పెంచుకోవాలి. 

పేపర్‌–2లో ఉమ్మడిగా..
సివిల్, మెకానికల్‌ ఏఈ పోస్ట్‌లకు ఉమ్మడిగా నిర్వహించే పేపర్‌ ఇది. ఇందులో విజయానికి అభ్యర్థులు సాలిడ్‌ మెకానిక్స్, ఫ్లూయిడ్‌ మెకానిక్స్‌లోని ముఖ్యమైన అంశాలపై దృష్టి పెట్టాలి. డిప్లొమా స్థాయిలో ప్రశ్నలు ఉంటాయని నోటిఫికేషన్‌లోపేర్కొన్నారు. కాబట్టి అభ్యర్థులు ఈ అంశాలకు సంబంధించి డిప్లొమా లేదా బీటెక్‌ పుస్తకాలను చదవడం మేలు చేస్తుంది. అదే విధంగా ఏపీపీఎస్సీ గతంలో నిర్వహించిన ఏఈ ప్రశ్న పత్రాలను సాధన చేయడం కూడా ఉపయుక్తంగా ఉంటుంది. 

పేపర్‌–3లో రాణించాలంటే..
పబ్లిక్‌ హెల్త్‌ అండ్‌ మున్సిపల్‌ ఇంజనీరింగ్‌ శాఖలో.. ఎన్విరాన్‌మెంట్‌ ఏఈ పోస్ట్‌లకు మాత్రమే నిర్వహించే ఈ పేపర్‌లో ఎన్విరాన్‌మెంటల్‌/సివిల్‌ విభాగాల నుంచి ప్రశ్నలు అడుగుతారు. వాటర్‌ సప్లయి ఇంజనీరింగ్, వేస్ట్‌ వాటర్‌ మేనేజ్‌మెంట్, వాయు, శబ్ద కాలుష్యం, సాలిడ్‌ వేస్ట్‌ మేనేజ్‌మెంట్, ఎన్విరాన్‌మెంటల్‌ ఇంపాక్ట్‌ అసెస్‌మెంట్‌ అండ్‌ సస్టెయినబుల్‌ డెవలప్‌మెంట్, వాటర్‌ రిసోర్సెస్‌ ఇంజనీరింగ్, సర్వేయింగ్, సాలిడ్‌ మెకానిక్స్‌ అండ్‌ ఫౌండేషన్‌ ఇంజనీరింగ్, ట్రాన్స్‌పోర్టేషన్‌ ఇంజనీరింగ్, సాలిడ్‌ మెకానిక్స్‌ అండ్‌ అనాలిసిస్‌ ఆఫ్‌ స్ట్రక్చర్స్,డిజైన్‌ ఆఫ్‌ స్ట్రక్చర్స్,బిల్డింగ్‌ మెటీరియల్స్‌ అండ్‌ కన్‌స్ట్రక్షన్‌ ప్రాక్టీస్‌ విభాగాల్లోని ముఖ్యాంశాలపై దృష్టి పెట్టాలి.ప్రధానంగా ఎన్విరాన్‌మెంటల్‌ ఇంపాక్ట్‌ అసెస్‌మెంట్‌ అండ్‌ డెవలప్‌మెంట్‌కు సంబంధించి పర్యావరణ పరిరక్షణ కోసం దేశంలో అమలవుతున్న విధానాలు,చేపడుతున్న చర్యలు,పర్యావరణ పరిరక్షణ చట్టాలపై అవగాహన పెంచుకోవాలి. 

సిలబస్‌ క్షుణ్నంగా..
అభ్యర్థులు తాము దరఖాస్తు చేసుకుంటున్న పోస్ట్‌లు, వాటికి సంబంధించి రాత పరీక్షలో పేర్కొన్న సిలబస్‌ను క్షుణ్నంగా పరిశీలించాలి. దాని ఆధారంగా తాము కొత్తగా చదవాల్సిన అంశాలతోపాటు, ఇప్పటికే అవగాహన ఉన్న టాపిక్స్‌పై 

స్పష్టత..
లభిస్తుంది. ఫలితంగా ప్రిపరేషన్‌లో ఏ అంశాలకు ఎక్కువ సమయం కేటాయించాలో ముందే నిర్ణయించుకోవాలి. దానికి అనుగుణంగా సమయ పాలనతో ముందుకు సాగాలి.

ముఖ్య సమాచారం..
దరఖాస్తు విధానం: ఆన్‌లైన్‌లో దరఖాస్తు చేసుకోవాలి.
ఆన్‌లైన్‌ దరఖాస్తు తేదీలు: అక్టోబర్‌ 21–నవంబర్‌ 11,2021
దరఖాస్తు ఫీజు చెల్లింపు చివరి తేదీ: నవంబర్‌ 10, 2021
పూర్తి వివరాలకు వెబ్‌సైట్‌: https://psc.ap.gov.in

Published date : 20 Oct 2021 04:52PM