అనకాపల్లిటౌన్‌ : కోరుకొండ సైనిక్‌ స్కూల్‌ ప్రవేశ పరీక్ష ఫలితాల్లో రాష్ట్ర స్థాయిలో 20, 118 ర్యాంక్‌లు సాధించిన సీహెచ్‌ సాయికిరత్‌(గాంధీనగరం), జె.వినయ్‌కుమార్‌(కశింకోట)లను ఏప్రిల్ 11న ఎంపీ భీశెట్టి వెంకట సత్యవతి తన కార్యాలయంలో అభినందించారు.
సైనిక్‌ స్కూల్‌కు ఇద్దరు ఎంపిక
ఈ సందర్భంగా ఆమె మాట్లాడుతూ విద్యార్థి దశ నుంచే ఉన్నత శిఖరాలను చేరుకునేందుకు ప్రణాళికలు సిద్ధం చేసుకోవాలని సూచించారు. సైనిక్‌ స్కూల్స్‌లో క్రమశిక్షణతో కూడిన విద్యను అందిస్తారని తెలిపారు. కార్యక్రమంలో సైనిక్‌ స్కూల్‌ శిక్షణ ఉపాధ్యాయులు ఎం.ఉమామహేశ్వరరావు, డి.నూకరాజు, ఎంపీ భర్త కాండ్రేగుల విష్ణుమూర్తి, విద్యార్థులు పాల్గొన్నారు.
