Vennampally Manoj Kumar: కన్నూరు వాసికి నాలుగు ఉద్యోగాలు
మధ్య తరగతి కుటుంబానికి చెందిన వెన్నంపల్లి శంకరయ్య–లలిత దంపతుల రెండో కుమారుడు మనోజ్‌కుమార్‌ హనుమకొండలోని స్ఫూర్తి హైస్కూల్‌లో పదో తరగతి పూర్తి చేసి హైదరాబాద్‌లోని నారాయణ కాలేజీలో ఇంటర్మీడియట్‌ పూర్తి చేశాడు. హైదరాబాద్‌ జేఎన్‌టీయూలో బీటెక్‌, నాగపూర్‌ ఎన్‌ఐటీలో ఎంటెక్‌ చేసి ఉద్యోగ వేట ప్రారంభించాడు.
చదవండి: Nikita Ketawat: హెడ్‌కానిస్టేబుల్‌ కుమార్తెకు ఆరు ఉద్యోగాలు
సుమారు రెండు, మూడు నెలల క్రితం అసిస్టెంట్‌ ఇంజనీర్‌(ఏఈ), టౌన్‌ ప్లానింగ్‌ ఆఫీసర్(టీపీబీఓ), గ్రూప్‌–4 ఉద్యోగాలకు ఎంపికయ్యాడు. ఈనెల 4న తాజాగా ఆర్‌ అండ్‌బీలో అసిస్టెంట్‌ ఎగ్జిక్యూటివ్‌ ఇంజనీర్‌ ఉద్యోగం వచ్చింది. అయితే.. తనకిష్టమైన ఆర్‌అండ్‌బీలో ఏఈఈ ఉద్యోగంలో చేరబోతున్నట్లు మనోజ్‌కుమార్‌ ‘సాక్షి’కి తెలిపారు. కాగా.. మనోజ్‌కుమార్‌ సోదరుడు నటరాజ్‌ మధ్యప్రదేశ్‌ రాష్ట్రం వ్యవసాయ శాఖలో సైంటిస్ట్‌గా, సోదరి అఖిల కరీంనగర్‌ జిల్లా హుజూరాబాద్‌లో అగ్రికల్చర్‌ ఎక్స్‌టెన్షన్‌ ఆఫీసర్(ఏఈఓ)గా ఉద్యోగాలు చేస్తున్నారు.