School timings changed: విద్యార్థులకు అలర్ట్.. స్కూల్ టైమింగ్స్ మార్పు.. ప్రభుత్వం సంచలన నిర్ణయం

బడి పనివేళల్లో మార్పులు చేస్తూ సంచలన నిర్ణయం తీసుకుంది ఆంధ్రప్రదేశ్ ప్రభుత్వం. రాష్ట్రవ్యాప్తంగా ఉన్న స్కూళ్ల పనివేళల్లో మార్పులు చేస్తున్నట్లు పేర్కొంది. దీంతో ఈ ఇష్యూ ప్రస్తుతం హాట్ టాపిక్ అయింది.

కీలక నిర్ణయం తీసుకున్న ఏపీ పాఠశాల విద్యా శాఖ

రాష్ట్రంలో ఉన్నత పాఠశాలల టైమింగ్స్ ప్రస్తుతం ఉదయం 9 నుంచి సాయంత్రం 4 వరకు ఉండగా.. దీనిని 5 గంటల వరకు పెంచింది ప్రభుత్వం. అకడమిక్‌ క్యాలెండర్‌లో ఆప్షనల్‌గా ఉన్న సాయంత్రం 4 నుంచి 5 గంటల సమయాన్ని తప్పనిసరి చేస్తూ కీలక నిర్ణయం తీసుకుంది ఏపీ పాఠశాల విద్యా శాఖ.

10వ తరగతి అర్హతతో రైల్వేలో 7438 ఉద్యోగాలు: Click Here

ముందుగా ప్రయోగాత్మకంగా రాష్ట్ర వ్యాప్తంగా ఉన్న ప్రతి మండలానికి రెండు హైస్కూల్ లలో ఈ విధానాన్ని అమలు చేయాలని తాజాగా ప్రభుత్వం ఆదేశాలు జారీ చేసింది.

భోజన విరామం 15 నిమిషాలు

అదేవిధంగా రాష్ట్రవ్యాప్తంగా స్కూళ్లలో ఉదయం మొదటి పీరియడ్‌ 5 నిమిషాలు పెంచి 50 నిమిషాలు చేశారు. ఆ తర్వాత 3 పీరియడ్లు ప్రస్తుతం 40 నిమిషాల చొప్పున ఉండగా వాటిని 45 నిమిషాలకు పెంచారు. అదేవిధంగా ఉదయం, మధ్యాహ్నం ఇచ్చే బ్రేక్‌ల సమయం 5 నిమిషాల చొప్పున, భోజన విరామం 15 నిమిషాలు పెంచారు.

ప్రతి రోజు 1గంట సమయం..

నవంబర్‌ 25 నుంచి 30వ తేదీ వరకు రాష్ట్రంలో ఎంపిక చేసిన కొన్ని స్కూళ్లల్లో పని వేళలు ఇలా మారబోతున్నాయి. ప్రభుత్వం చేసిన ఈ మార్పులతో ప్రతి రోజు స్కూల్ సమయం ఒక గంట పెరగనుండటం విశేషం. ప్రయోగాత్మకంగా అమలు చేస్తున్న ఈ విధానంలో వచ్చే ఫలితాలను బట్టి రాష్ట్రవ్యాప్తంగా అన్ని స్కూళ్లలో ఇదే విధానాన్ని అమలు చేయాలనీ ప్రభుత్వం భావిస్తోందట. అయితే ప్రభుత్వం తీసుకున్న ఈ నిర్ణయం, బడుల కొత్త పని వేళలపై ఉపాధ్యాయ సంఘాలు అభ్యంతరాలు వ్యక్తం చేస్తున్నాయి.