New Governors: తొమ్మిది రాష్ట్రాలకు కొత్త గవర్నర్ల నియామకం.. తెలంగాణ గవర్నర్ ఈయ‌నే..
దీనికి సంబంధించిన వివ‌రాల‌ను జూలై 29వ తేదీ రాత్రి రాష్ట్రపతి భవన్ ఓ ప్రకటనలో విడుదల చేసింది.
➤ తెలంగాణ కొత్త గవర్నర్గా త్రిపుర మాజీ ఉప ముఖ్యమంత్రి జిష్షుదేవ్ వర్మ నియమితులయ్యారు.
➤ పంజాబ్ గవర్నర్గా ఉన్న ఛండీగఢ్ అడ్మినిస్ట్రేటర్ బన్వరిలాల్ పురోహిత్ రాజీనామా చేశారు. దీంతో ఆ రాష్ట్ర గవర్నర్గా లాబ్ చంద్ కటారియా నియమితులయ్యారు.
➤ మహారాష్ట్ర గవర్నర్గా సీపీ రాధాకృష్ణన్ను నియమిస్తూ రాష్ట్రపతి ఉత్తర్వులు జారీ చేసింది. ప్రస్తుతం ఉన్న రమేష్ బైస్ స్థానంలో ఆయన బాధ్యతలు చేపట్టారు. రాధాకృష్ణన్ ఝార్ఖండ్ మాజీ గవర్నర్.
➤ ఝార్ఖండ్ గవర్నర్గా రాధాకృష్ణన్ స్థానంలో కేంద్ర కార్మిక, ఉపాధి కల్పన శాఖ మంత్రి సంతోష్ కుమార్ గంగ్వార్ బాధ్యతలు చేపట్టనున్నారు.
➤ రాజస్థాన్ గవర్నర్గా కల్రాజ్ మిశ్రా స్థానంలో మహారాష్ట్రకు చెందిన బీజేపీ సీనియర్ నేత హరిభౌ కిసన్‌రావ్‌ బాగ్డే నియమితులయ్యారు.
➤ అస్సాం గవర్నర్గా లక్ష్మణ్ ప్రసాద్ ఆచార్య నియమితులయ్యారు. ఆయనకు మణిపుర్‌ గవర్నర్గా కూడా అదనపు బాధ్యతలు అప్పగించారు.
➤ మేఘాలయ గవర్నర్గా కర్ణాటకలోని మైసూరుకు చెందిన మాజీ లోక్సభ సభ్యుడు సీహెచ్ విజయశంకర్‌ను నియమించారు.
➤ సిక్కిం కొత్త గవర్నర్గా బీజేపీ సీనియర్ నేత ఓం ప్రకాశ్ మాథుర్ నియమితులయ్యారు.
➤ ఛత్తీస్గఢ్ గవర్నర్ ప‌ద‌విని అసోంకు చెందిన మాజీ లోక్ సభ సభ్యుడు రామన్ దేకా స్వీక‌రించ‌నున్నారు.
Vikram Misri: విదేశాంగ శాఖ కార్యదర్శిగా బాధ్యతలు స్వీకరించిన విక్రమ్‌ మిస్రీ