సికింద్రాబాద్‌ కాలేజ్‌ ఆఫ్‌ డిఫెన్స్‌ మేనేజ్‌మెంట్‌కు ‘President of Colors’ అవార్డు

అత్యుత్తమ సేవలందించే సైనిక సంస్థలకు ఇచ్చే ప్రెసిడెంట్‌ కలర్స్‌ అవార్డుకు కాలేజ్‌ ఆఫ్‌ డిఫెన్స్‌ మేనేజ్‌మెంట్‌ (సీడీఎం) ఎంపికైనట్టు మిలిటరీ ఉన్నతాధికారులు తెలిపారు. వచ్చే వారంలో ఢిల్లీలో ఈ అవార్డు ప్రదానోత్సవం ఉంటుందని, సాయుధ సంస్థలకు ఇచ్చే అత్యున్నత గౌరవం ఇదని వారు వెల్లడించారు.

చదవండి: TSPSC Group 2 Exam Breaking News 2024 :తెలంగాణ ప‌బ్లిక్ స‌ర్వీస్ క‌మిష‌న్ గ్రూప్‌–2 పేప‌ర్-1 కఠినం.. పేపర్‌-2 కొశ్చ‌న్ పేప‌ర్ మధ్యస్థం.. ఈ సారి ప్ర‌శ్న‌లు ఎలా వ‌చ్చాయంటే..?

భారత సేనకు సంబంధించిన మూడు సాయుధ బలగాల్లోని ఉన్నతాధికారులకు యుద్ధతంత్రాలు, నాయకత్వ లక్షణాలు, అంతర్జాతీయ స్థాయిలో మారుతున్న భద్రత సవాళ్లను ఎదుర్కొనే వ్యూహాలపై శిక్షణ ఇచ్చేందుకు సికింద్రాబాద్‌లో ఈ సీడీఎంను 1970లో స్థాపించారు. అప్పటి నుంచి ఎంతో మంది అధికారులకు శిక్షణ అందించడం ద్వారా భారత సేనలను బలోపేతం చేయడంలో సీడీఎం కీలక పాత్ర పోషించింది. ఇందుకు గుర్తింపుగానే ప్రతిష్టాత్మక ప్రెసిడెంట్‌ కలర్స్‌ అవార్డు దక్కినట్టు అధికారులు తెలిపారు.