AP Inter Colleges Reopen: జూన్‌ 1న కళాశాలలు పునఃప్రారంభం.. వార్షిక క్యాలెండర్‌ను విడుదల చేసిన ఇంటర్‌ బోర్డు

నంద్యాల(న్యూటౌన్‌): జూనియర్‌ కళాశాలలు జూన్‌ 1వ తేదీన పునఃప్రారంభం కానున్నాయి. అదే రోజు నుంచి ద్వితీయ సంవత్సరం విద్యార్థులకు తరగతులు సైతం మొదలుకానున్నాయి.

ఈ మేరకు తాజాగా ఇంటర్మీడియెట్‌ బోర్డు 2024–25 నూతన విద్యా సంవత్సరానికి గాను వార్షిక క్యాలెండర్‌ను, షెడ్యూల్‌ను విడుదల చేసింది. 2024–25 విద్యా సంవత్సరానికి సంబంధించి జూనియర్‌ కళాశాలలు 222 రోజులు పనిచేయనున్నాయి.

2025 మార్చి 31 ఆఖరి పనిదినంగా, ఏప్రిల్‌ 1 నుంచి 2025 జూన్‌ ఒకటి వరకు వేసవి సెలవులను ప్రకటించారు. ఈ విద్యా సంవత్సరంలో అక్టోబర్‌ ఆఖరివారంలో సాంస్కృతిక, నవంబర్‌ ఆఖరివారంలో స్పోర్ట్స్‌ వారోత్సవాలను నిర్వహించనున్నారు.