ఇటీవల ఇంటర్, టెన్త్ పరీక్షల నిర్వహణపై తెలంగాణ ముఖ్య‌మంత్రి రేవంత్ రెడ్డి సమీక్ష సమావేశం నిర్వహించారు. పరీక్షలు పకడ్బందీగా నిర్వహించాలని అధికారులను ఆదేశించారు. ఈ నేపథ్యంలో పరీక్షల నిర్వహణకు అధికారులు కసరత్తు మొదలుపెట్టారు.

లేదంటే మార్చి 1 నుంచి..

త్వరలోనే ఇంటర్, టెన్త్ ఎగ్జామ్స్ అధికారిక షెడ్యూల్ ను విడుదల చేసే అవకాశం ఉంది. త్వరలోనే లోక్‌స‌భ‌ ఎన్నికలు ఉన్న‌ నేపథ్యంలో ఇంటర్, టెన్త్ పరీక్షల నిర్వ‌హ‌ణపై ప్రభుత్వం దృష్టి పెట్టింది. ప్రతి ఏడాది ఇంటర్ ఎగ్జామ్స్ పూర్తయిన తర్వాతే టెన్త్ ఎగ్జామ్స్ నిర్వహిస్తుంటారు. ఈ ఏడాది ఇంటర్ బోర్డు అధికారులు రెండు రకాల ప్రతిపాదనలను సర్కారుకు పంపించారు. పరీక్షలను ఫిబ్రవరి 28 నుంచి ప్రారంభించాలని, లేదంటే మార్చి 1 నుంచి మొదలు పెట్టాలని ప్రపోజల్స్ పెట్టారు. ఎంసెట్, ఇతర పోటీ పరీక్షలు ఉన్న నేపథ్యంలో సాధ్యమైనంత త్వరగా పరీక్షలు నిర్వహించాలని ఇంటర్ బోర్డు భావిస్తోంది.

ఆంధ్ర‌ప్ర‌దేశ్‌లో టెన్త్‌, ఇంట‌ర్ ప‌బ్లిక్ ప‌రీక్ష‌ల తేదీలు ఇవే..

ఆంధ్ర‌ప్ర‌దేశ్‌లో ప‌దో త‌ర‌గ‌తి ప‌బ్లిక్ పరీక్ష‌లు 2024 తేదీల‌ను విద్యాశాఖ మంత్రి బొత్స సత్యనారాయణ వెల్ల‌డించారు. ఏప్రిల్‌లో ఎన్నికల కారణంగా విద్యార్థులకు ఇబ్బంది కలగకూడదనే ఉద్దేశంతో పదో తరగతి పరీక్షలను మార్చిలోనే నిర్వహించనున్నట్లు మంత్రి తెలిపారు.

మార్చి 18వ తేదీ నుంచి 30వ తేదీ వరకూ పదో తరగతి పరీక్షలు జరగనున్నాయి. ఈ ప‌రీక్ష‌ల‌ను ఉదయం 9.30 నుంచి మధ్యాహ్నం 12.45 వరకు జ‌ర‌గ‌నున్నాయి.  అలాగే ఈ సారి ఏడు సబ్జెక్ట్‌లకే పదో తరగతి పరీక్షలు నిర్వహించనున్నారు. అసెంబ్లీ ఎన్నికల నేపథ్యంలో ముందుగానే పరీక్షలు నిర్వహించాలని నిర్ణయించినట్లు మంత్రి వెల్లడించారు. ఈ సారి టెన్త్‌లో 6 లక్షలు విద్యార్థులు ప‌బ్లిక్ ప‌రీక్ష‌ల‌కు హాజ‌రుకానున్నారు.

ఏపీ టెన్త్ ప‌బ్లిక్ ప‌రీక్ష‌ల పూర్తి షెడ్యూల్ ఇదే.. ఏఏ ప‌రీక్ష ఎప్పుడంటే..

ఏపీ ఇంట‌ర్ ప‌బ్లిక్ ప‌రీక్ష‌ల టైమ్ టేబుల్ ఇదే.. ఏఏ ప‌రీక్ష ఎప్పుడంటే..?

ఆంధ్ర‌ప్ర‌దేశ్‌లో ఇంట‌ర్ మొద‌టి, ద్వితీయ సంవ‌త్స‌రం ప‌బ్లిక్ పరీక్ష‌లు 2024 తేదీల‌ను విద్యాశాఖ మంత్రి బొత్స సత్యనారాయణ వెల్ల‌డించారు. ఏప్రిల్‌లో ఎన్నికల కారణంగా విద్యార్థులకు ఇబ్బంది కలగకూడదనే ఉద్దేశంతో ఇంట‌ర్‌ పరీక్షలను మార్చిలోనే నిర్వహించనున్నట్లు మంత్రి తెలిపారు.

ఇంటర్ పరీక్షలు మార్చి 1వ తేదీ నుంచి 15వ తేదీ వరకు ఉదయం 9:00 గంటల నుంచి మధ్యాహ్నం 12:00 వరకు జరుగనున్నాయి. ఈ సారి ఇంట‌ర్ మొద‌టి, రెండో సంవ‌త్స‌రం మొత్తం క‌లిపి ప‌బ్లిక్ ప‌రీక్ష‌ల‌కు దాదాపు 10 లక్షల మంది విద్యార్థులు హాజ‌రుకానున్నారు. ఫిబ్రవరి 5వ తేదీ నుంచి 20వ తేదీ వరకు ఇంటర్‌ ప్రాక్టికల్స్‌ పరీక్షలు నిర్వహించనున్నారు.

ఏపీ ఇంట‌ర్‌ 1st & 2nd Year 2024 Timetable ఇదే..