ఒంగోలు అర్బన్‌: జిల్లా ఉపాధి కార్యాలయం (ఎంప్లాయిమెంట్‌ ఆఫీస్‌)లో నిరుద్యోగ యువతకు ఉద్యోగ అవకాశాలు కల్పించేందుకు నవంబర్ 10న తేదీ జాబ్‌మేళా నిర్వహిస్తున్నట్లు జిల్లా ఉపాధి కల్పనా అధికారి టీ భరధ్వాజ్‌ ఒక ప్రకటనలో తెలిపారు. ఎస్‌బీఐ లైఫ్‌ ఇన్సూరెన్స్‌ కంపెనీలో మార్కెటింగ్‌, సేల్స్‌ ఆఫీసర్స్‌, అడ్వయిజర్స్‌ సెక్టార్‌లలో వివిధ ఖాళీలు భర్తీ చేసేందుకు జాబ్‌ మేళా నిర్వహిస్తున్నట్లు పేర్కొన్నారు. జిల్లాలోని 23 ఏళ్ల నుంచి 35 సంవత్సరాల వయసు మధ్య ఉండి, ఇంటర్మీడియెట్‌, ఏదైనా డిగ్రీ ఆ పై చదువులు పూర్తి చేసిన యువత సద్వినియోగం చేసుకోవాలని కోరారు. నవంబర్ 10న తేదీ ఉదయం 10 నుంచి సాయంత్రం 3 గంటల వరకు మేళా జరుగుతుందని, ఆసక్తి కలిగిన యువత ఇంటర్వ్యూలకు తగిన విద్యార్హత ధ్రువీకరణ పత్రాలతో హాజరు కావాలని తెలిపారు. ఇంటర్వ్యూలో ఎంపికై న అభ్యర్థులకు నెలకు రూ.15 వేలు నుంచి రూ.21 వేల వరకు వేతనంతో కూడిన ఉద్యోగం ఇస్తారన్నారు.
చ‌ద‌వండి: Grama Ward Sachivalayam Jobs: గ్రామ, వార్డు సచివాలయాల వలంటీర్ల పోస్టులు.. ఇంటర్వ్యూల తేదీలు ఇవే..
More Articles
Most Read
