TSPSC: ఒక్కో పోస్టుకు ఇంత మంది పోటీ

Sakshi Education

సాక్షి, హైదరాబాద్‌: గ్రూప్‌–4 కొలువుల భర్తీకి నిర్వహించే అర్హత పరీక్షకు దరఖాస్తుల స్వీకరణ ముగిసింది.

గత డిసెంబర్‌ 1న 8,180 గ్రూప్‌–4 ఉద్యోగాల భర్తీకి తెలంగాణ స్టేట్‌ పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ప్రకటన విడుదల చేసిన సంగతి తెలిసిందే. ఇందులో భాగంగా డిసెంబర్‌ 30 నుంచి దరఖాస్తుల స్వీకరణ మొదలుపెట్టింది. ఫిబ్రవరి 3వ తేదీ సాయంత్రం 5 గంటలతో దరఖాస్తుల స్వీకరణకు గడువు ముగిసింది. మొత్తం 9,51,321 మంది దరఖాస్తు చేసుకున్నారు.

ఉద్యోగ ఖాళీలు భారీగా ఉండటంతో అభ్యర్థులు పెద్దఎత్తున దరఖాస్తులు సమర్పించారు. అందిన దరఖాస్తులను బట్టి చూస్తే ఒక్కో ఉద్యోగానికి సగటున 116 మంది పోటీ పడుతున్నట్లు తెలుస్తోంది. జిల్లా, రిజర్వేషన్ల వారీగా పరిశీలిస్తే పోటీ అటుఇటుగా ఉండొచ్చు. జూలై 1న గ్రూప్‌–4 అర్హత పరీక్షలు నిర్వహించనున్నట్లు టీఎస్‌పీఎస్సీ ఇప్పటికే చెప్పింది.

Published date : 04 Feb 2023 02:35PM