గృహ రుణాల నుంచి పేదలను విముక్తుల్ని చేసేందుకు ఉద్దేశించిన వన్‌టైమ్‌ సెటిల్‌మెంట్‌ పథకం, పేదల ఇళ్ల నిర్మాణాలపై ఆంధ్రప్రదేశ్‌ రాష్ట్ర ముఖ్యమంత్రి వైఎస్‌ జగన్‌మోహన్‌రెడ్డి సెప్టెంబర్‌ 20న తన క్యాంపు కార్యాలయంలో ఉన్నతస్థాయి సమీక్ష నిర్వహించారు. వన్‌టైమ్‌ సెటిల్‌మెంట్‌ పథకాన్ని గ్రామ, వార్డు సచివాలయాలు కేంద్రంగా అమలు చేయాలని ఈ సందర్భంగా అధికారులను ఆదేశించారు. పేదల ఇళ్లకు సంబంధించి జగనన్న కాలనీల్లో... కాలనీ యూనిట్‌గా తీసుకుని మౌలిక సదుపాయాల పనులను అప్పగించాలని చెప్పారు.
పథకం పేరు.. ‘జగనన్న శాశ్వత గృహ హక్కు’
ఆంధ్రప్రదేశ్‌ రాష్ట్ర హౌసింగ్‌ కార్పొరేషన్‌ నుంచి రుణాలు తీసుకున్న వారికి వర్తింపచేసే వన్‌టైం సెటిల్‌మెంట్‌కు ‘జగనన్న శాశ్వత గృహ హక్కు’ పథకంగా పేరు ఖరారు చేసినట్లు అధికారులు తెలిపారు. గ్రామ, వార్డు సచివాలయాల్లోనే వన్‌టైం సెటిల్‌మెంట్‌ పథకం డబ్బులు చెల్లించే వెసులుబాటు కల్పించామన్నారు. పథకం అర్హుల వివరాలను సచివాలయాల్లో ప్రదర్శిస్తామని తెలిపారు.
చ‌ద‌వండి: రాష్ట్రంలోని ఏ నగరంలో వాణిజ్య ఉత్సవ్‌–2021 జరగనుంది?
క్విక్‌ రివ్యూ :
ఏమిటి : వన్‌టైమ్‌ సెటిల్‌మెంట్‌ పథకానికి ‘జగనన్న శాశ్వత గృహ హక్కు’ పథకంగా నామకరణం
ఎప్పుడు : సెప్టెంబర్‌ 20
ఎవరు : ఆంధ్రప్రదేశ్‌ ప్రభుత్వం
ఎందుకు : గృహ రుణాల నుంచి పేదలను విముక్తుల్ని చేసేందుకు...
More Articles
