NEET-UG 2024: నీట్‌ యూజీ 2024 కౌన్సెలింగ్‌ వాయిదాకు సుప్రీం కోర్టు నో

న్యూఢిల్లీ: జూలై 6 నుంచి జరగాల్సిన నీట్‌ యూజీ కౌన్సెలింగ్‌ను వాయిదా వేసేందుకు సుప్రీంకోర్టు నిరాకరించింది. నీట్‌ పరీక్షలో అక్రమాలపై దర్యాప్తు కోరుతూ దాఖలైన ప్రధాన పిటిషన్లపై విచారణను కోర్టు ఇప్పటికే జూలై 8కి వాయిదా వేయడం తెలిసిందే. 

ఈ నేపథ్యంలో కౌన్సెలింగ్‌ను కూడా ఆ తేదీ దాకా వాయిదా వేయాలని పిటిషనర్లు కోరారు. జస్టిస్‌ విక్రమ్‌నాథ్, జస్టిస్‌ ఎస్‌వీఎన్‌ భట్టీతో కూడిన వెకేషన్‌ బెంచ్‌ శుక్రవారం అందుకు నిరాకరించింది. విచారణను జూలై 8వ తేదీకి వాయిదా వేసింది.

Also Read: అమలులోకి పేపర్‌ లీక్‌ నిరోధక చట్టం.. జైలు శిక్ష, జరిమానాలు ఇలా..