విద్యాదీవెన, విద్యా వసతి లబ్ధిదారుల తుది జాబితాలకు ఆమోదం!

ఈ పథకం కింద అర్హులైన విద్యార్థుల జాబితాలను జనవరి 6 (సోమవారం)నగ్రామ, వార్డు సచివాలయల్లో ప్రభుత్వం ప్రకటించింది. ఈ జాబితాలపై అభ్యంతరాలు, మార్పులు, చేర్పులకు సంబంధించి ఈ నెల 9 వరకు దరఖాస్తులు స్వీకరిస్తారు. అనంతరం 10న జరిగే గ్రామ, వార్డు సభల్లో తుది జాబితాలను ఆమోదిస్తారు. అర్హత సాధించని వారి వివరాలు.. అందుకుగల కారణాలను కూడా ప్రదర్శిస్తారు. కాగా, సోమవారం ప్రకటించిన జాబితాల ప్రకారం రాష్ట్రవ్యాప్తంగా జగనన్న విద్యా దీవెన, జగనన్న వసతి దీవెన పథకాల కింద మొత్తం 10,65,357 మంది విద్యార్థులను అర్హులుగా గుర్తించారు. ఇంకా ఎవరైనా అర్హులుంటే వారు కూడా దరఖాస్తు చేసుకునే అవకాశం ప్రభుత్వం కల్పించింది.

జిల్లాల వారీగా జగనన్న విద్యా దీవెన, జగనన్న వసతి దీవెన లబ్ధిదారుల సంఖ్య..

జిల్లా	అర్హుల సంఖ్య
తూ.గో	1,07,238
గుంటూరు	93,738
చిత్తూరు	91,811
కృష్ణా	91,263
అనంతపురం	89,145
విశాఖపట్టణం	88,503
కర్నూలు	84,116
ప.గో	77,914
ప్రకాశం	77,165
వైఎస్సార్ కడప	76,754
నెల్లూరు	66,492
శ్రీకాకుళం	64,834
విజయనగరం	56,384
మొత్తం	10,65,357