Sakshi Education
ఏఎన్‌యూ(గుంటూరు): ఆచార్య నాగార్జున విశ్వవిద్యాలయం పరిధిలో సోమవారం నుంచి డిగ్రీ, పీజీ, వృత్తి విద్యా కోర్సుల పరీక్షలు ప్రారంభం కానున్నాయి.
కోవిడ్-19 కారణంగా ఈ ఏడాది మార్చిలో జరగాల్సిన పరీక్షలు వాయిదా పడ్డాయి. గత ఆరు నెలలుగా పరీక్షలు నిర్వహించేందుకు ఏఎన్‌యూ అధికారులు పలుమార్లు షెడ్యూల్ ప్రకటించినప్పటికీ కరోనా వైరస్ వ్యాప్తి దృష్ట్యా వాయిదా వేయాల్సి వచ్చింది. తాజాగా కోవిడ్ నిబంధనలు పాటిస్తూ విద్యాపరమైన కార్యకలాపాలు, విద్యార్థులకు పరీక్షలు నిర్వహించాలని యూజీసీ, రాష్ట్ర ప్రభుత్వం సూచించడంతో ఏఎన్‌యూ పరీక్షల నిర్వహణకు సిద్ధమైంది. కోవిడ్-19 లాక్‌డౌన్‌లో రాష్ట్రంలో డిగ్రీ, పీజీ, వృత్తి విద్యా కోర్సుల పరీక్షలు నిర్వహిస్తున్న తొలి విశ్వవిద్యాలయంగా ఏఎన్‌యూ నిలిచింది.
Published date : 07 Sep 2020 03:46PM
