Sakshi Education
వాషింగ్టన్: ప్రపంచంలోని మొట్టమొదటి యోగా విశ్వవిద్యా లయం అమెరికాలో ప్రారంభం కానుంది.
పురాతన భారతీయ అభ్యాసంలో పరిశోధనలతో పాటు దాని ప్రవేశాలు ఈ ఏడాది ఏప్రిల్‌లో ప్రారంభమవుతాయని విశ్వవిద్యాలయ అధికారులు తెలిపారు. వివేకానంద యోగా విశ్వవిద్యాలయం (వీఏవైయూ) పేరుతో లాస్ ఏంజిలిస్‌లో 5 మిలియన్ డాలర్ల బడ్జెట్‌తో క్యాంపస్ ఏర్పాటు చేయనున్నారు. అయితే, యోగా విద్య కేవలం 200, 500 గంటల సర్టిఫికెట్ కార్యక్రమాలకు పరిమితం కాకుండా.. వేలాది యోగా ఉపాధ్యాయులకు ఈ వీఏవైయూ సహాయం చేస్తుందని వీఏవైయూ బోర్డ్ ఆఫ్ డెరైక్టర్స్ సభ్యుడు ప్రేమ్ భండారి అన్నారు. ఈ విషయమై నాసా మాజీ శాస్త్రవేత్త నాగేంద్ర మాట్లాడుతూ.. ‘‘స్వామి వివేకా నంద చెప్పినట్లుగా.. విద్య మనిషిలో పరిపూర్ణతకు నిదర్శనం, తర్వాతి తరం విద్యార్థుల్లో సర్వవ్యాప్త వ్యక్తిత్వ వికాసాన్ని ప్రోత్సహించడానికి, దేశాన్ని నిర్మించే విద్యను అందించడమే లక్ష్యంగా వీఏవైయూ పనిచేస్తుంది,’ అని అన్నారు. అయితే, మనదేశంలో 2002లో యోగా క్లాసులను విశ్వవిద్యాలయం (ఎస్-వ్యాసా)ను ప్రారంభించిన సంగతి తెలిసిందే.
Published date : 17 Feb 2020 03:42PM
