TS ICET 2024 Date Extended: టీఎస్‌ ఐసెట్‌ దరఖాస్తు గడువు పొడిగింపు,చివరి తేదీ ఎప్పుడంటే..

తెలంగాణ స్టేట్‌ ఇంటిగ్రేటెడ్‌ కామన్‌ ఎంట్రన్స్‌ టెస్ట్‌(టీఎస్‌ఐసెట్‌)–2024 దరఖాస్తు గడువును ఉన్నత విద్యామండలి పొడిగించింది. మే 7వ తేదీ వరకు ఐసెట్‌కు దరఖాస్తు చేసుకోవచ్చని తెలిపింది. గతంలో ఏప్రిల్‌ 30 వరకు అప్లికేషన్లు స్వీకరించగా, తాజాగా ఆ గడువును మే 7వరకు పొడిగించారు.

విద్యార్థులు ఎలాంటి ఆలస్య రుసుము లేకుండానే మే 7వ తేదీ వరకు దరఖాస్తు చేసుకోవచ్చు. 2024–25 విద్యా సంవత్సరానికి సంబంధించి ఎంబీఏ, ఎంసీఏ కోర్సుల్లో ప్రవేశాలకు ఐసెట్‌ పరీక్షను నిర్వహిస్తారన్న విషయం తెలిసిందే. 

అర్హత: ఎంబీఏకు కనీసం 50 శాతం మార్కులతో ఏదైనా బ్యాచిలర్స్‌ డిగ్రీ ఉత్తీర్ణత ఉండాలి. ఎంసీఏకు కనీసం 50శాతం మార్కులతో ఇంటర్‌/డిగ్రీ స్థాయిలో మ్యాథ్స్‌ సబ్జెక్ట్‌తో బీసీఏ/బీఎస్సీ/బీకాం/బీఏ ఉత్తీర్ణులై ఉండాలి.

దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.

దరఖాస్తులకు చివరితేది: మే 7
దరఖాస్తు రుసుము: రూ. 750 (ఎస్సీ/ ఎస్టీ/ దివ్యాంగ అభ్యర్థులకు రూ.550)

రూ.250 ఆలస్య రుసుంతో దరఖాస్తు చివరి తేదీ: మే 17.
రూ.500 ఆలస్య రుసుంతో దరఖాస్తు చివరి తేదీ: మే 27.

హాల్‌టికెట్స్‌ విడుదల: మే 28
పరీక్ష తేదీలు: జూన్‌ 5,6