ట్రిపుల్ ఐటీల్లో మిగిలిపోయిన 485 సీట్లు

మొదటి విడత కౌన్సెలింగ్ తర్వాత సీట్లు మిగిలిపోవడంతో రెండో విడత కౌన్సెలింగ్ కోసం అధికారులు ఏర్పాట్లు చేస్తున్నారు. నూజివీడులో 90 సీట్లు, ఇడుపులపాయలో 123, శ్రీకాకుళంలో 135, ఒంగోలులో 137 సీట్లు చొప్పున మిగిలిపోయినట్లు గుర్తించారు. అయితే అధికారులు మాత్రం ప్రతిఏటా ఇది సర్వసాధారణమేనని, గత పదేళ్లుగా ఇలాగే జరుగుతోందని పేర్కొంటున్నారు. మిగిలిపోయిన 485 సీట్లను భర్తీ చేయడానికి జూలై 21 నుంచి 24 వరకు కౌన్సెలింగ్ నిర్వహించడానికి ఆర్జీయూకేటీ అధికారులు సన్నాహాలు చేస్తున్నారు. దీనిలో భాగంగా వెయిటింగ్ లిస్టులో ఉన్న అభ్యర్థులతో ఎంపిక జాబితాను జూలై16న ప్రకటించనున్నారు. నూజివీడు ట్రిపుల్‌ఐటీలో కౌన్సెలింగ్‌ను నిర్వహిస్తారు.