నిర్ణీత ఫీజులకు మించి వసూలు చేస్తే గుర్తింపు రద్దు

రాష్ట్ర ప్రభుత్వం నియమించిన తెలంగాణ ఫీజులు, ప్రవేశాల నియంత్రణ కమిటీ (ఏఎఫ్‌ఆర్‌సీ) నిర్ణయించిన ఫీజులను కాకుండా అధిక ఫీజులను వసూలు చేస్తున్నట్లు ఏఐసీటీఈ దృష్టికి రావడంతో జూన్ 27న ఈ మేరకు ప్రకటన జారీ చేసింది. రాష్ట్రంలోని అన్ని సాంకేతిక విద్యా సంస్థలు ఏఎఫ్‌ఆర్‌సీ నిర్ణయించిన ఫీజులనే వసూలు చేయాలని వెల్లడించింది. ఈ నిబంధనను అతిక్రమించిన యాజమాన్యాలపై కఠిన చర్యల తీసుకోవటంతో పాటు ఆయా కాలేజీల గుర్తింపునూ రద్దు చేస్తామని ప్రకటించింది. రాష్ట్రంలో మేనేజ్‌మెంట్ కోటా సీట్లకు రూ. 4 లక్షల నుంచి రూ. 15 లక్షల వరకు వసూలు చేస్తున్నట్లు ఆరోపణలు వస్తున్న సంగతి తెలిసిందే. ఉపాధ్యాయ-విద్యార్థి నిష్పత్తిని 1:15 నుంచి 1:20కి పెంచిన నేపథ్యంలో కొన్ని యాజమాన్యాలు ఫ్యాకల్టీని తొలగిస్తున్నట్లు తమ దృష్టికి వచ్చిందని పేర్కొంది. కాలేజీల నుంచి ఫ్యాకల్టీని తొలగించవద్దని, రిటైర్ అయ్యే వారి స్థానాల్లో ఫ్యాకల్టీని సర్దుబాటు చేసుకోవాలని సూచించింది.