చర్చలకు హాజరు కావాల్సిందిగా 25 కాలేజీలను కోరింది. అయితే ఎఫ్‌ఆర్‌సీ నిర్ణయించిన ఫీజులను ఈ కాలేజీలు అంగీకరించడం లేదు. ఈ నేపథ్యంలో చర్చలకు హాజరైనా ఇదే వాదన విని్పంచేందుకు సిద్ధమవుతు న్నాయి. మూడో దఫా సంప్రదింపుల అనంతరం న్యాయస్థానాన్ని ఆశ్రయించాలనే ఆలోచనలో ఉన్నట్టు తెలిసింది. మరోవైపు ఎంసెట్‌ రెండో విడత కౌన్సెలింగ్‌ ఈ నెల 28 నుంచి మొదలవ్వాల్సి ఉంది. కానీ ఫీజులపై ప్రతిష్టంభన నెలకొనడంతో కౌన్సెలింగ్‌ ప్రక్రియ కొనసాగించడమా? వాయిదా వేయడమా? అనే తర్జన భర్జనలో అధికారులున్నారు.
Also read: DOST: ప్రత్యేక కౌన్సెలింగ్‌ తేదీలు ఇవే..
సమస్య ఎక్కడ?
ప్రతి మూడేళ్లకోసారి ఇంజనీరింగ్‌ ఫీజులను సమీక్షించే ఎఫ్‌ఆర్‌సీ 2022కు కూడా 2019 ఫీజులనే కొనసాగించాలని నిర్ణయించింది. కోవిడ్‌ మూలంగా ఆర్థిక పరిస్థితులు సరిగా లేకపోడంతో ఈ నిర్ణయం తీసుకుంది. అయితే 81 ప్రైవేటు కాలేజీలు కోర్టును ఆశ్రయించాయి. దీంతో కాలేజీల ఆడిట్‌ నివేదికల ఆధారంగా నిర్ధారించిన ఫీజులను వసూలు చేసుకునేందుకు కోర్టు అనుమతించింది. అయితే తుది ఫీజుల ఖరారు బాధ్యత ఎఫ్‌ఆర్‌సీకి అప్పగించింది. ఈ నేపథ్యంలో రంగంలోకి దిగిన కమిటీ కాలేజీల ఆడిట్‌ నివేదికలు క్షుణ్ణంగా పరిశీలించింది. ఈ క్రమంలో కొన్ని కాలేజీల ఫీజుల్లో భారీగా కోత పెట్టింది. బ్యాంకు నిల్వలు అధికంగా ఉన్నాయనే కారణాలు చూపించింది. దీనిపై 25 కాలేజీలు అసంతృప్తి వ్యక్తం చేశాయి. దీంతో కమిటీ మరోసారి సంప్రదింపులకు సిద్ధమైంది.
Also read: CBIT: సీబీఐటీ ఫీజు తగింపు
