ఎంటెక్‌లో తగ్గిన సీట్లు !

కాలేజీల సంఖ్య పెరిగినా అఖిల భారత సాంకేతిక విద్యా మండలి సీట్లకు మాత్రం కోత విధించింది. గతేడాది 203 ఎంటెక్ కాలేజీల్లో 25,140 సీట్లు అందుబాటులో ఉండగా, ఈసారి వాటిని 20,125కు కుదించింది. ఈ మేరకు అనుమతులు పొందిన కాలేజీలు, సీట్ల జాబితాను ఏఐసీటీఈ సాంకేతిక విద్యాశాఖకు పంపింది. ఎంఫార్మసీలోనూ అదే పరిస్థితి నెలకొంది. గతేడాది 126 ఎంఫార్మసీ కాలేజీల్లో 9,182 సీట్లకు అనుమతి ఇచ్చిన ఏఐసీటీఈ ఈసారి 129 కాలేజీల్లో 8,743 సీట్లకే అనుమతి ఇచ్చింది.