6 నుంచి పాలిసెట్ దరఖాస్తులు

హైదరాబాద్: పాలిటెక్నిక్ కోర్సుల్లో ప్రవేశానికి నిర్వహించే పాలిసెట్-2014ను మే 21న నిర్వహించనున్నట్లు రాష్ట్ర సాంకేతిక విద్య, శిక్షణ మండలి తెలిపింది. అభ్యర్థులు ఈనెల 6 నుంచి 28వ తేదీ వరకు దరఖాస్తు చేసుకోవచ్చని పేర్కొంది. హెల్ప్‌లైన్ కేంద్రాలు/ఏపీ ఆన్‌లైన్ కేంద్రాల్లో ఫీజు చెల్లించవచ్చని వెల్లడించింది. పరీక్షను మే 21న ఉదయం 11 గంటల నుంచి మధ్యాహ్నం ఒంటి గంట వరకు నిర్వహించనున్నట్లు చెప్పింది. పదో తరగతి ఉత్తీర్ణులైన వారంతా దరఖాస్తు చేసుకోవచ్చని పేర్కొంది. ఇతర వివరాలకు sbtetap.gov.in చూడొచ్చు.