Sakshi Education
రాష్ట్ర ఇంజనీరింగ్, అగ్రికల్చర్, ఫార్మసీ కాలేజీల్లో కోర్సుల్లో ప్రవేశాల కోసం నిర్వహించే టీఎస్‌ఈఏపీసెట్‌ (ఎంసెట్) ప్రవేశపరీక్షలు రేపటి నుంచి జరగనున్నాయి. ఇప్పటికే వీటికోసం ఉన్నత విద్యామండలి సర్వం సిద్ధం చేసింది. మే 7, 8 తేదీల్లో అగ్రికల్చర్, ఫార్మసీ, 9, 10, 11 తేదీల్లో ఇంజనీరింగ్ పరీక్షలు ఉంటాయి.
ముఖ్యమైన సూచనలు...
- పరీక్షలు ఉదయం 9 నుంచి మధ్యాహ్నం 12 వరకు, తిరిగి సాయంత్రం 3 నుంచి 6 గంటల వరకు ఉంటాయి.
- బయోమెట్రిక్‌ హాజరుకు 20 నిమిషాల సమయం పడుతుంది. ఒక్క నిమిషం ఆలస్యమైనా పరీక్షకు అనుమతించరు.
- వేలికి ఎలాంటి మెహిందీ, టాటూస్, ఇంక్‌ వంటివి అంటించుకోకూడదు. ఇది బయోమెట్రిక్‌కు ఇబ్బంది కల్గిస్తుంది.
- పరీక్ష హాల్లోకి బ్లూ, బ్లాక్‌ పాయింట్‌ పెన్, హాల్‌ టికెట్, అవసరమైన ధ్రువపత్రాలను మాత్రమే అనుమతిస్తారు. క్యాలిక్యులేటర్, సెల్‌ఫోన్, రిస్ట్‌వాచ్, ఎలక్ట్రానిక్స్‌ అనుమతించరు.
- లేటెస్ట్‌ ఫొటోతో కూడిన ఫిల్‌ చేసిన ఆన్‌లైన్‌ దరఖాస్తుపై ఎడమ వేలిముద్ర ఉండాలి. ఇన్విజిలేటర్‌ సమక్షంలో దానిపై సంతకం చేయించుకుంటారు. ఆన్‌లైన్‌ అప్లికేషన్, రఫ్‌ నోట్స్‌ను పరీక్ష హాలులో పరీక్ష పూర్తయ్యాక అప్పగించాలి.
- విద్యార్థులు ఫోటో గుర్తింపు కార్డుగా కాలేజీ ఐడీ కార్డు, ఆధార్, డ్రైవింగ్‌ లైసెన్స్, పాస్‌పోర్టు, పాన్‌కార్డు, ఓటర్‌ ఐడీ.. ఇందులో ఏదైనా ఒకటి తెచ్చుకోవాలి.
- ప్రశ్నలు తెలుగు, ఇంగ్లిష్‌ భాషల్లో ఉంటాయి. ఇంగ్లిష్‌ నుంచి తెలుగులోకి తర్జుమా చేసేటప్పుడు ఒకవేళ అవి అర్థం కాకపోతే ఇంగ్లిష్‌ భాషనే ప్రామాణికంగా తీసుకోవాలి. కంప్యూటర్‌ సాఫ్ట్‌వేర్, హార్డ్‌వేర్‌ సమస్యలు తలెత్తితే వెంటనే ఇన్విజిలేటర్‌ దృష్టికి తేవాలి.
Published date : 06 May 2024 05:47PM
More Articles
Most Read
