భారత టెన్నిస్‌ స్టార్లు లియాండర్‌ పేస్, మహేశ్‌ భూపతిల ఆట, అనుబంధం, స్పర్ధలు, గెలుపోటములు... ఇలా ఇప్పటి వరకు ఎక్కడా చెప్పని పలు ఆసక్తికర అంశాలతో ‘బ్రేక్‌ పాయింట్‌’ అనే వెబ్‌ సిరీస్‌ నిర్మితమైంది. దీనికి సంబంధించిన ట్రైలర్‌ను సెప్టెంబర్‌ 17న విడుదలైంది. అశ్విని అయ్యర్‌ తివారి, నితీశ్‌ తివారిల దర్శకత్వంలో రూపొందిన ‘బ్రేక్‌ పాయింట్‌’ ‘జీ5’ ఓటీటీలో అక్టోబర్‌ 1న విడుదల కానుంది.
ఇండియన్‌ ఎక్స్‌ప్రెస్‌...
దశాబ్దానికిపైగా భారత టెన్నిస్‌ ముఖ చిత్రంగా ఉన్న పేస్–భూపతి ద్వయం 1994–2006, 2008–2011 మధ్య డబుల్స్‌ జోడీగా చిరస్మరణీయ ప్రదర్శన చేశారు. 1999లో జరిగిన నాలుగు గ్రాండ్‌స్లామ్‌ టోర్నీల్లో (ఆస్ట్రేలియన్‌ ఓపెన్, ఫ్రెంచ్‌ ఓపెన్, వింబుల్డన్, యూఎస్‌ ఓపెన్)నూ పురుషుల డబుల్స్‌లో ఫైనల్‌కు చేరిన ఈ జంట... ఫ్రెంచ్‌ ఓపెన్, వింబుల్డన్‌ల్లో విజేతలుగా నిలిచింది. అనంతరం 2001 ఫ్రెంచ్‌ ఓపెన్‌లో మరోసారి చాంపియన్‌గా నిలిచింది. ఈ నేపథ్యంలో వీరిని ‘ఇండియన్‌ ఎక్స్‌ప్రెస్‌’ అంటూ భారతీయులు కీర్తించారు.
చ‌ద‌వండి: హ్యాండ్‌బాల్‌ అభివృద్ధికి రూ. 240 కోట్లు అందజేయనున్న సంస్థ?
More Articles
Most Read
