అవెరా ఏఐ మొబిలిటీ ప్రైవేటు లిమిటెడ్‌ ‘అవెరా విన్సెరో’ పేరుతో ఎలక్ట్రిక్‌ స్కూటర్‌ను ‘దుబాయి ఎక్స్‌పో–2020’లో ఆవిష్కరించింది. ఆర్టిఫీషియల్‌ ఇంటెలిజెన్స్‌ ఫేషియల్‌ టెక్నాలజీతో కూడిన తొలి స్కూటర్‌ ప్రపంచంలో ఇదేనని ఫిబ్రవరి 15న సంస్థ ప్రకటించింది. 100 కిలోమీటర్ల వేగంతో ఒక్కసారి చార్జ్‌ చేస్తే 200 కిలోమీటర్ల వరకు ప్రయాణించగల సామర్థ్యం ఈ స్కూటర్‌కు ఉంది. ఆంధ్రప్రదేశ్‌లోని ప్లాంట్‌లో ఈ స్కూటర్లను తయారు చేయడమే కాకుండా, విదేశాలకు ఎగుమతి చేయనున్నట్టు సంస్థ ప్రకటించింది.
దుబాయి ఎక్స్‌పోలో భాగంగా ఆంధ్రప్రదేశ్‌ ప్రభుత్వం ఏర్పాటు చేసిన రోడ్‌షోలో అవెరా విన్సెరో స్కూటర్‌ను కంపెనీ వ్యవస్థాపకుడు వెంకట రమణ, సహ వ్యవస్థాపకురాలు చాందిని చందన సమక్షంలో.. భారత్‌లో యూఏఈ అంబాసిడర్‌ అహ్మద్‌ అబ్దుల్‌ రెహమాన్‌ ఆల్బానా ఆవిష్కరించారు. ఈ కార్యక్రమంలో ఆంధ్రప్రదేశ్‌ పరిశ్రమలు, వాణిజ్య శాఖ మంత్రి మేకపాటి గౌతమ్‌రెడ్డి తదితరులు పాల్గొన్నారు.
చ‌ద‌వండి: రాష్ట్రంలోని ఏ జిల్లాలో కాజస్‌ ఈ మొబిలిటీ పరిశ్రమ ఏర్పాటు కానుంది?
క్విక్‌ రివ్యూ :
ఏమిటి : ఏఐ ఫేషియల్‌ టెక్నాలజీతో కూడిన తొలి స్కూటర్‌ ‘‘అవెరా విన్సెరో’’ను దుబాయి ఎక్స్‌పో–2020లో ఆవిష్కరించిన సంస్థ?
ఎప్పుడు : ఫిబ్రవరి 15
ఎవరు : అవెరా ఏఐ మొబిలిటీ ప్రైవేటు లిమిటెడ్‌
ఎక్కడ : దుబాయ్ ఎగ్జిబిషన్‌ సెంటర్, దుబాయ్, యునైటెడ్‌ అరబ్‌ ఎమిరెట్స్‌(యూఏఈ)
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
