ప్రముఖ బౌద్ధ గురువు, జెన్ సన్యాసి థిక్‌ నాక్‌ హాన్‌ 95 సంవత్సరాల వయసులో జనవరి 22న మరణించారు. వియత్నాంలోని టు హైయు పగోడాలో ఆయన చివరి శ్వాస విడిచారు. 1926, అక్టోబర్‌ 11న వియత్నాంలోని హైయులో జన్మించిన థిక్‌ నాక్‌ హాన్‌.. 16ఏళ్ల వయసులో సన్యాసం స్వీకరించారు. 1961లో అమెరికా పర్యటనకు వెళ్లిన ఆయన 1966లో మార్జిన్‌ లూథర్‌ కింగ్‌ (జూ)తో పలు విషయాలపై చర్చలు జరిపారు. వియత్నాం అంతర్యుద్ధం నివారణకు ఆయన చేసిన కృషిని గుర్తించిన మార్టిన్‌... థిక్‌నాక్‌ పేరును నోబెల్‌ శాంతి బహుమతికి సిఫార్సు చేశారు.
పశ్చిమ దేశాల్లో..
జెన్ బుద్ధిజం ముఖ్యాంశాలను థిక్‌ నాక్‌ హాన్‌ విరివిగా ప్రచారం చేశారు. పశ్చిమ దేశాల్లో జెన్, బౌద్ధిజంను వ్యాపింపజేయడంలో ఆయన కృషి గణనీయం. కరేజ్‌ ఆఫ్‌ కన్సైస్‌ (1991), పసెమ్‌ ఇన్‌ టెర్రిస్‌ పీస్‌ అండ్‌ ఫ్రీడం(2015) అవార్డులు ఆయన్ను వరించాయి. 2017లో ఎడ్యుకేషన్‌ యూనివర్సిటీ ఆఫ్‌ హాంకాంగ్‌ ఆయనకు గౌరవ డాక్టరేట్‌ ఇచ్చింది. ఆయన చరిత్ర ఆధారంగా ద సీక్రెట్‌ ఆఫ్‌ 5 పవర్స్‌ అనే నవల కూడా వచ్చింది. స్వయంగా ఆయన కొన్ని చిత్రాల్లో, డాక్యుమెంటరీల్లో కనిపించారు.
చ‌ద‌వండి: ప్రపంచ దేశాల్లో అత్యధిక ప్రజాదరణ కలిగిన నేత?
క్విక్‌ రివ్యూ :
ఏమిటి : ప్రముఖ బౌద్ధ గురువు, జెన్ సన్యాసి కన్నుమూత
ఎప్పుడు : జనవరి 22
ఎవరు : థిక్‌ నాక్‌ హాన్‌
ఎక్కడ : టు హైయు పగోడా, వియత్నాం
ఎందుకు : వయోభారం కారణంగా..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
