WIPO: అంతర్జాతీయ నవకల్పనల సూచీలో భారత్‌ ర్యాంకు?

ప్రపంచ మేధో సంపత్తి సంస్థ (World Intellectual Property Organization-WIPO) తాజాగా విడుదల చేసిన అంతర్జాతీయ నవకల్పనల (ఇన్నోవేషన్‌) సూచీ–2021లో భారత్‌కు 46వ ర్యాంకు లభించింది. 2020తో పోలిస్తే 2 స్థానాలు మెరుగుపర్చుకుంది. గత కొన్నేళ్లుగా భారత్‌ ర్యాంకు మెరుగుపడుతోందని.. 2015లో 81వ స్థానంలో ఉండగా ప్రస్తుతం 46వ స్థానానికి చేరిందని డబ్ల్యూఐపీవో తెలిపింది. అపారమైన విజ్ఞాన సంపత్తి, క్రియాశీలకమైన స్టార్టప్‌ వ్యవస్థ, ప్రభుత్వ.. ప్రైవేట్‌ పరిశోధన సంస్థల కృషి ఇందుకు దోహదపడ్డాయని వివరించింది. జాతీయ ఆవిష్కరణల వ్యవస్థను సుసంపన్నం చేయడంలో ఆటమిక్‌ ఎనర్జీ విభాగం, శాస్త్ర..సాంకేతిక విభాగం, బయోటెక్నాలజీ విభాగం, అంతరిక్ష విభాగం మొదలైన సైంటిఫిక్‌ డిపార్ట్‌మెంట్లు కీలక పాత్ర పోషిస్తున్నాయని పేర్కొంది.

చదవండి: ఇండియా ఇన్నోవేషన్‌ ఇండెక్స్‌లో అగ్రస్థానంలో నిలిచిన రాష్ట్రం?

క్విక్‌ రివ్యూ   :
ఏమిటి    : అంతర్జాతీయ నవకల్పనల (ఇన్నోవేషన్‌) సూచీ–2021లో భారత్‌కు 46వ ర్యాంకు
ఎప్పుడు : సెప్టెంబర్‌ 20
ఎవరు    : ప్రపంచ మేధో సంపత్తి సంస్థ (డబ్ల్యూఐపీవో) 
ఎందుకు  : భారత్‌లో అపారమైన విజ్ఞాన సంపత్తి, క్రియాశీలకమైన స్టార్టప్‌ వ్యవస్థ, ప్రభుత్వ.. ప్రైవేట్‌ పరిశోధన సంస్థల కృషి కారణంగా...