ఆదాయపన్ను రిటర్నుల దాఖలుకు చివరి రోజు అయిన సోమవారం పెద్ద సంఖ్యలో పన్ను చెల్లింపుదారులు ముందుకు వచ్చారు.
IT Returns
చివరి రోజైన జూలై 31 ఒక్కరోజే 64.33 లక్షల రిటర్నులు నమోదయ్యాయి. దీంతో గడిచిన ఆర్థిక సంవత్సరానికి దాఖలైన మొత్తం రిటర్నుల సంఖ్య 6,77,42,303కు చేరింది.ఇందులో 5,62,59,216 రిటర్నులు ఇ-వెరిఫై అయ్యాయి. వీటిలో 3,44,16,658 రిటర్నులను ప్రాసెస్‌ చేసినట్లు ఆదాయపు పన్ను విభాగం పేర్కొంది. వేతన జీవులు, ఆడిటింగ్‌ అవసరం లేని వారు రిటర్నులు దాఖలు చేసేందుకు జూలై 31 చివరి తేదీ కావడం గమనార్హం. గతేడాది జూలై 31 నాటికి దాఖలైన 5.83 కోట్ల ఐటీఆర్‌లతో పోలిస్తే 16.1% శాతం పెరిగినట్టు తెలుస్తోంది.
