ఉత్పాదక ఆధారిత ప్రోత్సాహక(పీఎల్‌ఐ) పథకం

ప్రధాని నరేంద్ర మోదీ నేతృత్వంలో నవంబర్ 11న జరిగిన కేంద్ర కేబినెట్ సమావేశంలో ఈ పథకం అమలుకు ఆమోదముద్ర వేశారు. ఈ పథకం ద్వారా ఐదేళ్ల వ్యవధిలో మొత్తం రూ. 2 లక్షల కోట్ల మేర రాయితీలు ఆయా రంగాలకు చెందిన పరిశ్రమలకు లభించనున్నాయి.

ప్రభుత్వ సంకల్పం...
ఆర్థిక వ్యవస్థ వృద్ధిని పుంజుకునేలా చేయడం, అలాగే దిగుమతులను తగ్గించి తద్వారా ఉపాధి అవకాశాలను సృష్టించాలనేది ప్రభుత్వ సంకల్పం. ఈ దిశగా దేశీ తయారీ రంగాన్ని ప్రోత్సహించడానికి పీఎల్‌ఐ పథకం తోడ్పాటును అందించనుంది. ఈ కొత్త పథకం కింద రూ.1,45,980 కోట్ల ఆర్థిక ప్రయోజనాన్ని ప్రభుత్వం కేటాయించనుంది. కాగా, ఇప్పటికే రూ.51,311 కోట్ల వ్యయానికి కేంద్రం ఆమోదం తెలిపింది. ‘ఆత్మనిర్భర్ భారత్’ (స్వావలంబన భారత్) లక్ష్యం సాకారం దిశగా దేశాన్ని నడిపించడంలో పీఎల్‌ఐ తోడ్పడుతుందని ఆర్థిక మంత్రి నిర్మలా సీతారామన్ పేర్కొన్నారు.

రంగాల వారీగా ప్రోత్సాహకాలు (రూ. కోట్లలో)

క్విక్ రివ్యూ :
ఏమిటి : ఉత్పాదక ఆధారిత ప్రోత్సాహక (పీఎల్‌ఐ) పథకం ప్రకటన
ఎప్పుడు : నవంబర్ 11
ఎవరు : కేంద్ర ప్రభుత్వం
ఎందుకు : దేశంలో టెలికం, ఆటోమొబైల్, ఫార్మాసూటికల్స్ వంటి మరో 10 కీలక తయారీ పరిశ్రమలకు మరింత చేయూతనిచ్చేందుకు