తెలుగు రాష్ట్రాల ముఖ్యమంత్రుల చర్చలు

విభజన నేపథ్యంలో ఐదేళ్లుగా అపరిష్కృతంగా ఉన్న 9, 10వ షెడ్యూళ్లలోని 142 సంస్థలకు సంబంధించిన ఆస్తుల పంపకం దగ్గర నుంచి గోదావరి జలాలను గరిష్ట స్థాయిలో వినియోగించుకోవటం వరకూ పలు అంశాలపై ప్రాథమికంగా చర్చించారు. ఈ భేటీ సందర్భంగా కాళేశ్వరం ప్రాజెక్టు ప్రారంభోత్సవానికి రావాలని జగన్‌ను, కేసీఆర్ ఆహ్వానించారు.

ముఖ్యమంత్రుల చర్చలోని అంశాలు..

• ఏపీ, తెలంగాణల మధ్య రవాణా సదుపాయాలు పెంచేందుకు చర్యలు తీసుకోవడం
• జాతీయ రహదారుల సంఖ్యను పెంచాలని కేంద్రాన్ని కోరడం
• కృష్ణా జలాల వినియోగంపై రెండు రాష్ట్రాల మధ్య నెలకొన్న వివాదాలను గవర్నర్ నేతృత్వంలో పరిష్కరించుకోవాలని నిర్ణయం
• గోదావరి జలాలను కృష్ణా నదీ పరీవాహక ప్రాంతానికి తరలించడం
• విభజన చట్టంలో రెండు రాష్ట్రాల మధ్య స్పీడ్ రైలు వేస్తామని కేంద్రం హామీ ఇచ్చినా అమలు చేయలేదు. దాంతో పాటు మరిన్ని రైళ్లు వేయాలి. ఇందుకోసం కేంద్రంపై ఒత్తిడి తేవాలి
• విభజన చట్టంలోని 9, 10 షెడ్యూళ్లలోని ప్రభుత్వరంగ సంస్థల విభజన ప్రక్రియను నెలలోగా పూర్తి చేయడం
• ఆర్టీసీ, రాష్ట్ర ఆర్థిక సంస్థల మధ్య సమస్యలపై సీఎంల స్థాయిలో నిర్ణయం తీసుకోవడం
• విద్యుత్ ఉద్యోగుల విభజన, విద్యుత్ బకాయిల పరిష్కారం త్వరితగతిన చేసేందుకు నిర్ణయం

క్విక్ రివ్యూ :
ఏమిటి : తెలుగు రాష్ట్రాల ముఖ్యమంత్రుల చర్చలు
ఎప్పుడు : జూన్ 17
ఎవరు : వైఎస్ జగన్‌మోహన్‌రెడ్డి, కె.చంద్రశేఖరరావు
ఎక్కడ : విజయవాడ, ఆంధ్రప్రదేశ్