మేధా రైల్‌కోచ్‌ ఫ్యాక్టరీకి భూమి పూజ

తెలంగాణ మంత్రులు హరీశ్‌రావు, సబితా ఇంద్రారెడ్డితో కలసి ఆగస్టు 13న రాష్ట్ర ఐటీ, పరిశ్రమల శాఖ మంత్రి కె.తారకరామారావు భూమి పూజ చేశారు. ఈ సందర్భంగా కేటీఆర్ మాట్లాడుతూ... ప్రైవేటు సెక్టార్‌లో మేధా సంస్థ.. భారతదేశపు అతిపెద్ద రైల్‌కోచ్‌ ఫ్యాక్టరీగా అవతరిస్తుందన్న ఆశాభావం వ్యక్తం చేశారు. 1984లో స్థాపించిన ఈ సంస్థ.. ప్రస్తుతం రూ.21 వేల కోట్ల వార్షిక టర్నోవర్‌కు చేరుకుందని వివరించారు.

మేధా రైల్‌కోచ్‌ ఫ్యాక్టరీ ఏడాదికి 500 కోచ్‌లు, 50 లోకోమోటివ్స్‌ చొప్పున తయారు చేస్తుందని ఆ సంస్థ ఎండీ యడవెల్లి కశ్యప్‌రెడ్డి తెలిపారు. ప్రత్యక్షంగా వెయ్యి, పరోక్షంగా 1,500 మందికి ఉపాధి లభిస్తుందని పేర్కొన్నారు.

క్విక్ రివ్యూ :
ఏమిటి : మేధా రైల్‌కోచ్‌ ఫ్యాక్టరీకి భూమి పూజ
ఎప్పుడు : ఆగస్టు 13
ఎవరు : తెలంగాణ రాష్ట్ర ఐటీ, పరిశ్రమల శాఖ మంత్రి కె.తారకరామారావు
ఎక్కడ :కొండకల్‌, శంకర్‌పల్లి మండలం, రంగారెడ్డి జిల్లా, తెలంగాణ