గాల్లో కరోనా వ్యాప్తిపై పరిశోధన చేయనున్న భారత సంస్థ?

ప్రస్తుతం ‘ఆసుపత్రి వాతావరణం’లో ఈ వైరస్ వ్యాప్తి ఎలా ఉంటుందో తెలుసుకునేందుకు సిద్ధమయ్యారు. వైరస్ గాలి ద్వారా ఎంత దూరం ప్రయాణించగలదు? ఎంత సమయం గాల్లో ఉండగలదు? వైరస్ బారిన పడ్డ వ్యక్తి నుంచి వెలువడ్డవి ఎంత సమయం ఉండగలవు? అన్న అంశాలన్నింటినీ ఈ పరిశోధనల ద్వారా తెలుసుకోనున్నారు. ప్రస్తుతం సీసీఎంబీ డెరైక్టర్‌గా డాక్టర్ రాకేశ్ మిశ్రా ఉన్నారు.

కొన్ని నెలల క్రితం కరోనా వైరస్ గాలి ద్వారా వ్యాపించగలదని ప్రపంచవ్యాప్తంగా ఉన్న దాదాపు 200 మంది శాస్త్రవేత్తలు ప్రపంచ ఆరోగ్య సంస్థకు ఓ లేఖ రాసిన నేపథ్యంలో సీసీఎంబీ పరిశోధనకు ప్రాముఖ్యత ఏర్పడింది.

క్విక్ రివ్యూ :
ఏమిటి : గాల్లో కరోనా వ్యాప్తిపై పరిశోధన చేయనున్న భారత సంస్థ
ఎప్పుడు : సెప్టెంబర్ 28
ఎవరు : సెంటర్ ఫర్ సెల్యులార్ అండ్ మాలిక్యులర్ బయాలజీ (సీసీఎంబీ)