బస్సుల్లో అగ్నిప్రమాదాలను అరికట్టేందుకు డీఆర్‌డీఓ ఆవిష్కరించిన టెక్నాలజీ?

అగ్ని ప్రమాదాన్ని గుర్తించి, నివారించే ‘ఫైర్ డిటెన్షన్ అండ్ సప్రెషన్ సిస్టం’ (ఎఫ్డీఎస్‌ఎస్)ను అభివృద్ధి చేసింది. ఎఫ్డీఎస్‌ఎస్‌కు సంబంధించిన డెమోను కేంద్ర ప్రభుత్వానికి చూపించింది. ఈ డెమోను న్యూఢిల్లీలో నవంబర్ 9న రక్షణ మంత్రి రాజ్‌నాథ్ సింగ్, రహదారులు, రవాణా శాఖ మంత్రి నితిన్ గడ్కరీ పరిశీలించారు.

ఎఫ్డీఎస్‌ఎస్ విశేషాలు...

• ప్యాసింజర్ కంపార్ట్‌మెంట్ భద్రత కోసం నీటి ఆధారిత ఎఫ్డీఎస్‌ఎస్ విధానాన్ని, ఇంజన్‌లో చెలరేగే మంటలను కట్టడి చేసేందుకు ఏరో సొల్యూషన్ ఆధారిత ఎఫ్డీఎస్‌ఎస్ విధానాన్ని డీఆర్‌డీవో ఆవిష్కరించింది.
• ప్యాసింజర్ కంపార్ట్‌మెంట్‌లో మంటలు చెలరేగిన 30 సెకన్లలో గుర్తించి 60 సెకన్లలో చల్లార్చే విధంగా ఎఫ్డీఎస్‌ఎస్‌ను తయారుచేశారు. ఇందులో భాగంగా బస్సులో 80 లీటర్ల నీటి ట్యాంకును, 6.8కేజీల నైట్రోజన్ సిలిండర్‌ను అమర్చారు.

క్విక్ రివ్యూ :
ఏమిటి : ఫైర్ డిటెన్షన్ అండ్ సప్రెషన్ సిస్టం (ఎఫ్డీఎస్‌ఎస్) ఆవిష్కరణ
ఎప్పుడు : నవంబర్ 9
ఎవరు : రక్షణ రంగ పరిశోధన, అభివృద్ధి సంస్థ (డీఆర్‌డీఓ)
ఎక్కడ : న్యూఢిల్లీ
ఎందుకు : ప్రయాణ సమయాల్లో ప్రజారవాణా బస్సుల్లో జరుగుతున్న అగ్నిప్రమాదాలను అరికట్టేందుకు