అత్యధిక పతకాలు నెగ్గిన జిమ్నాస్ట్‌గా బైల్స్

జర్మనీలోని స్టుట్‌గార్ట్‌లో అక్టోబర్ 13న ముగిసిన ప్రపంచ ఆర్టిస్టిక్ జిమ్నాస్టిక్స్ చాంపియన్‌షిప్‌లో చివరి రోజు బైల్స్ బ్యాలెన్సింగ్ బీమ్ (15.066 పాయింట్లు), ఫ్లోర్ ఎక్సర్‌సైజ్ (15.133 పాయింట్లు) ఈవెంట్స్‌లో స్వర్ణ పతకాలను సొంతం చేసుకుంది. దీంతో ఇప్పటివరకు బెలారస్ పురుష జిమ్నాస్ట్ వితాలీ షెర్బో (23 పతకాలు) పేరిట ఉన్న రికార్డును బైల్స్ 25వ పతకంతో బద్దలు కొట్టింది. ఓవరాల్‌గా ఈ టోర్నీలో బైల్స్‌కిది ఐదో పసిడి పతకం. ఐదోసారి ప్రపంచ చాంపియన్‌షిప్‌లో పోటీపడిన బైల్స్ ఈ ఈవెంట్ చరిత్రలో 19 స్వర్ణాలు, 3 రజతాలు, 3 కాంస్యాలు సాధించింది.

క్విక్ రివ్యూ :
ఏమిటి : అత్యధిక పతకాలు నెగ్గిన జిమ్నాస్ట్‌గా రికార్డు
ఎప్పుడు : అక్టోబర్ 13
ఎవరు : సిమోన్ బైల్స్