ఆసియా షూటింగ్‌లో భారత్‌కు స్వర్ణం

మార్చి 28న జరిగిన 10 మీటర్ల ఎయిర్ రైఫిల్ మిక్స్‌డ్ టీమ్ (జూనియర్) విభాగంలో భారత షూటర్లే స్వర్ణ, రజతాలు గెలుచుకున్నారు. ఇందులో శ్రేయ అగర్వాల్ - యశ్‌వర్ధన్ జోడి మొదటి స్థానంలో నిలవగా (497.3 పాయింట్లు)... మేహులి ఘోష్ - కేవల్ ప్రజాపతికి రెండో స్థానం (496.9 పాయింట్లు) దక్కింది. ఈ ఈవెంట్‌లో కొరియా కాంస్య పతకం సాధించింది.

మరోవైపు 10 మీటర్ల ఎయిర్ రైఫిల్ మిక్స్‌డ్ టీమ్ (సీనియర్) విభాగంలో భారత్‌కి చెందిన ఎలవెనీల్ వలరివన్ - రవి కుమార్ ద్వయం రెండో స్థానంలో (498.4 పాయింట్లు) నిలిచి రజత పతకం దక్కించుకుంది. ఈ పోరులో కొరియా (499.6)కు స్వర్ణం దక్కగా, తైపీ కాంస్యం గెలుచుకుంది.

క్విక్ రివ్యూ :
ఏమిటి : ఆసియా ఎయిర్‌గన్ షూటింగ్ చాంపియన్‌షిప్‌లో భారత్‌కు స్వర్ణం
ఎప్పుడు : మార్చి 28
ఎవరు : శ్రేయ అగర్వాల్ - యశ్‌వర్ధన్ జోడి
ఎక్కడ : తావోయువాన్, చైనీస్ తైపీ