అమల్లోకి లక్ష్మీ విలాస్ బ్యాంక్ విలీనం

ఆర్థిక సంక్షోభంలో చిక్కుకున్న ఎల్‌వీబీని గట్టెక్కించేందుకు డీబీఐఎల్‌లో విలీనం చేయాలని రిజర్వ్ బ్యాంక్ ఆఫ్ ఇండియా, ప్రభుత్వం నిర్ణయించిన సంగతి తెలిసిందే. నవంబర్ 27 నుంచి ఈ విలీన నిర్ణయం అమల్లోకి వచ్చింది.

ద్రవ్యలోటు ఆందోళన...
ప్రభుత్వ ఆదాయాలు-వ్యయాలకు మధ్య నికర వ్యత్యాసం ద్రవ్యలోటు- పరిస్థితి ఆందోళన కరంగా ఉంది. వార్షిక బడ్జెట్ నిర్దేశించిన లక్ష్యానికి మించి కొనసాగుతోంది. 2020 అక్టోబర్ ముగిసే నాటికి దాదాపు 120 శాతానికి చేరింది. కంట్రోలర్ జనరల్ ఆఫ్ అకౌంట్స్ నవంబర్ 27న విడుదల చేసిన గణాంకాలకు పరిశీలిస్తే...

• 2020-21లో ద్రవ్యలోటు రూ.7.96 లక్షల కోట్లు ఉండాలని 2020, ఫిబ్రవరిలో ఆర్థికమంత్రి నిర్మలా సీతారామన్ పార్లమెంటులో ప్రవేశపెట్టిన బడ్జెట్ నిర్దేశించింది. ఇది 2020-21 భారత స్థూల దేశీయోత్పత్తి (జీడీపీ) అంచనాలతో పోల్చితే 3.5 శాతం.
• 2020, ఏప్రిల్ నుంచి అక్టోబర్ నాటికే ద్రవ్యోలోటు 120 శాతానికి అంటే రూ.9,53,154 కోట్లకు ఎగసింది. ద్రవ్యలోటు లక్ష్యాన్ని దాటిపోవడం ఇది వరుసగా ఐదవనెల.