అమెరికాలో అత్యధిక ఆదాయం పొందుతున్న విదేశీయులు?

Sakshi Education

వివిధ దేశాల నుంచి వచ్చి అమెరికాలో స్థిరపడుతున్న వారిలో భారతీయుల సగటు ఆదాయం అందరికంటే అధికంగా ఉంది.

ఏటా అక్కడి ప్రభుత్వం నిర్వహిస్తున్న అమెరికన్ కమ్యూనిటీ సర్వేలో ఈ విషయం వెల్లడైంది. స్థానికులు, విదేశీయుల మధ్యస్థ కుటుంబాల ఆదాయ వివరాలు అమెరికన్ కమ్యూనిటీ సర్వేలో నమోదు చేస్తారు. అందులో వివిధ దేశాల నుంచి వచ్చినవారి గణాంకాలూ పొందురుస్తారు.

సర్వే వివరాల ప్రకారం...
అమెరికాలో స్థిరపడ్డ ఇండియన్ అమెరికన్ల సగటు ఆదాయం ఏటా అందరికంటే ఎక్కువగా 1,00,500 డాలర్లుగా నమోదైంది. భారత్ పొరుగు దేశాలైన శ్రీలంక.. నాలుగు, చైనా.. ఏడు, పాకిస్తాన్ .. ఎనిమిదో స్థానంలో నిలిచాయి. మొత్తం మీద టాప్ 10 దేశాల్లో తొమ్మిది ఆసియా దేశాలే కాగా.. స్థానికులు ఏకంగా 9వ స్థానంలో నిలిచారు.

అమెరికాలో స్థిరపడిన వివిధ దేశాల మధ్యస్థ(మధ్య తరగతి) కుటుంబాల సగటు ఆదాయం ఏటా..

స్థానం	దేశం	ఆదాయం(డాలర్లలో...)
1	ఇండియన్	1,00,500
2	ఫిలిప్పో	83,300
3	తైవానీస్	82,500
4	శ్రీలంకన్	74,600
5	జపనీస్	72,300
6	మలేసియన్	70,300
7	చైనీస్	69,100
8	పాకిస్తాన్	66,200
9	వైట్-అమెరికన్లు	59,900
10	కొరియన్	59,200
11	ఇండోనేసియన్	57,500
12	స్థానిక-అమెరికన్లు	56,200
13	థాయ్‌లాండ్	55,000
14	బంగ్లాదేశీ	50,000
15	నేపాలీ	43,500
16	లాటినో	43,000
17	ఆఫ్రికన్ -అమెరికన్లు	35,000

చదవండి: సగటు నెలవారీ జీతాల గ్లోబల్ ర్యాంకింగ్‌‌సలో భారత్ ర్యాంకు ఎంత?

బ్యాచిలర్ డిగ్రీలోనూ...
అమెరికాలో స్థిరపడుతున్న విదేశీయుల్లో బ్యాచిలర్ డిగ్రీ ఉన్నవారిలోనూ భారతీయులే అగ్రస్థానంలో ఉన్నారు. ఈ విషయంలో అమెరికన్లు 28 శాతంతో ఆఖరిస్థానంలో నిలవడం గమనార్హం.

దేశం	శాతం
ఇండియన్ - అమెరికన్లు	70
కొరియన్ - అమెరికన్లు	53
చైనీస్ - అమెరికన్లు	51
ఫిలిప్పో - అమెరికన్లు	47
జపనీస్ - అమెరికన్లు	46
సగటు అమెరికన్లు	28