అడ్రియాటిక్ పెర్ల్ టోర్నీలో భార‌త్‌కు రెండు స్వర్ణాలు

మాంటెనిగ్రోలోని బద్వా పట్టణంలో జరిగిన ఈ టోర్నీలో ఫిబ్రవరి 21న వింకా (60 కేజీలు), సనమచ చాను (75 కేజీలు) భారత్‌కు బంగారు పతకాలు అందించారు. ఫైనల్లో వింకా 5–0తో క్రిస్టినా క్రిపెర్‌ (మాల్డోవా)పై... సనమచ చాను 6–0తో రాజ్‌ సాహిబా (భారత్‌)పై గెలిచారు.

రజతం, కాంస్యం...
48 కేజీల విభాగంలో గీతిక(భారత్‌) రజతం సాధించింది. ఫైనల్లో గీతిక 1–4తో ఫర్జానా (ఉజ్బెకిస్తాన్‌) చేతిలో ఓడిపోయింది. 57 కేజీల సెమీఫైనల్లో ప్రీతి(భారత్‌) 1–4తో బొజానా (మాంటెనిగ్రో) చేతిలో ఓడి కాంస్య పతకాన్ని దక్కించుకుంది.