2022 బర్మింగ్‌హామ్ కామన్వెల్త్‌లో క్రికెట్

Sakshi Education

2022 బర్మింగ్‌హామ్ కామన్వెల్త్ గేమ్స్‌లో మహిళల టి20 క్రికెట్‌ను ప్రవేశపెట్టనున్నట్లు కామన్వెల్త్ గేమ్స్ సమాఖ్య (సీజీఎఫ్), అంతర్జాతీయ క్రికెట్ మండలి (ఐసీసీ) ఆగస్టు 13న ప్రకటించాయి.

అదే సమయంలో షూటింగ్‌ను తొలగిస్తున్నట్లు సీజీఎఫ్ అధ్యక్షుడు డేమ్ లూయిస్ మార్టిన్ వెల్లడించారు. 2022 బర్మింగ్‌హామ్ కామన్వెల్త్ గేమ్స్ జూలై 27 నుంచి ఆగస్టు 7 వరకు జరగనున్నాయి.

వందేళ్లకంటే ఎక్కువ చరిత్ర ఉన్న కామన్వెల్త్ గేమ్స్‌లో 1998లో ఒక్కసారి మాత్రమే క్రికెట్‌ను ఆడించారు. పురుషుల విభాగంలో జరిగిన ఆ ఈవెంట్‌లో దక్షిణాఫ్రికా జట్టు విజేతగా నిలిచి స్వర్ణ పతకాన్ని సాధించింది.

క్విక్ రివ్యూ :
ఏమిటి : 2022 బర్మింగ్‌హామ్ కామన్వెల్త్‌లో మహిళల క్రికెట్
ఎప్పుడు : ఆగస్టు 13
ఎవరు : కామన్వెల్త్ గేమ్స్ సమాఖ్య (సీజీఎఫ్), అంతర్జాతీయ క్రికెట్ మండలి (ఐసీసీ)

Published date : 14 Aug 2019 07:05PM