జి–20 శిఖరాగ్ర సదస్సులో పాల్గొనేందుకు ఇటలీ పర్యటనలో ఉన్న భారత ప్రధానమంత్రి నరేంద్ర మోదీ... రోమన్‌ క్యాథలిక్‌ చర్చి అధినేత పోప్ ఫ్రాన్సిస్‌(84)తో సమావేశమయ్యారు. వాటికన్‌ సిటీలో అక్టోబర్‌ 30న జరిగిన ఈ భేటీలో కోవిడ్‌–19 మహమ్మారి, వాతావరణ మార్పులు విసురుతున్న సవాళ్లతోపాటు పలు కీలక అంశాలపై చర్చలు జరిపారు. త్వరలో భారత్‌లో పర్యటించాలంటూ పోప్‌ను ప్రధాని మోదీ ఆహ్వానించారు. ఈ సందర్భంగా మోదీ వెంట భారత విదేశాంగ మంత్రి ఎస్‌.జైశంకర్, జాతీయ భద్రతా సలహాదారు అజిత్‌ దోవల్‌ ఉన్నారు.
ఫ్రాన్సిస్‌తో సమావేశమైన తొలి ప్రధాని...
2013లో పోప్‌గా బాధ్యతలు చేపట్టిన ఫ్రాన్సిస్‌తో సమావేశమైన తొలి భారత ప్రధాని మోదీయే. రెండు దశాబ్దాలలో భారత ప్రధాని, పోప్ మధ్య భేటీ జరగడం ఇదే మొదటిసారి. చివరిసారిగా 2000 జూన్‌లో అప్పటి ప్రధాని వాజ్‌పేయి పోప్ జాన్‌పాల్‌–2ను వాటికన్‌ సిటీలో కలిశారు. 1948 నుంచి పోప్, ఇండియా మధ్య సన్నిహిత, దౌత్య సంబంధాలు కొనసాగుతున్నాయి. ఆసియా ఖంఢంలో క్యాథలిక్‌ల జనాభా అధికంగా ఉన్న రెండో దేశం ఇండియా.
భారత పర్యటన...
భారత్‌లో పర్యటించాలంటూ ప్రధాని మోదీ చేసిన విజ్ఞప్తిని పోప్ అంగీకరించారని భారత విదేశాంగ శాఖ తెలిపింది. అయితే పోప్ ఫ్రాన్సిస్‌ పర్యటన తేదీలు ఇంకా ఖరారు కాలేదని పేర్కొంది. చివరిసారిగా పోప్ జాన్‌పాల్‌–2 1999లో భారత్‌కు వచ్చారు.
చ‌ద‌వండి: ప్రధాని మోదీతో భేటీ అయిన ఈయూ కౌన్సిల్‌ అధ్యక్షుడి పేరు?
క్విక్‌ రివ్యూ :
ఏమిటి : రోమన్‌ క్యాథలిక్‌ చర్చి అధినేత పోప్ ఫ్రాన్సిస్‌(84)తో సమావేశం
ఎప్పుడు : అక్టోబర్‌ 30
ఎవరు : భారత ప్రధానమంత్రి నరేంద్ర మోదీ
ఎక్కడ : వాటికన్‌ సిటీ
ఎందుకు : కోవిడ్‌–19 మహమ్మారి, వాతావరణ మార్పులు విసురుతున్న సవాళ్లతోపాటు పలు కీలక అంశాలపై చర్చలు జరిపేందుకు...
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
