ఘర్షణల సమయంలో పాకిస్తాన్ యుద్ధవిమానాన్ని కూల్చి, అసమాన ధైర్య సాహసాలు ప్రదర్శించిన భారత వాయుసేన గ్రూప్‌ కెప్టెన్‌ (అప్పట్లో వింగ్‌ కమాండర్‌) అభినందన్‌ వర్ధమాన్‌కు వీర్‌ చక్ర పురస్కారం లభించింది. నవంబర్ 22న న్యూఢిల్లీలోని రాష్ట్రపతి భవన్‌లో జరిగిన కార్యక్రమంలో అభినందన్‌కు రాష్ట్రపతి రామ్‌నాథ్‌ కోవింద్‌ పురస్కారాన్ని అందజేశారు. ఈ కార్యక్రమానికి ప్రధాని నరేంద్ర మోదీ, రక్షణ మంత్రి రాజ్‌నాథ్‌సింగ్‌ హాజరయ్యారు. 2019, ఫిబ్రవరి 26న పాకిస్థాన్‌లోని బాలాకోట్‌లో ఉన్న ఉగ్రవాదుల స్థావరాలపై భారత్‌ వైమానిక దాడులు చేసింది. దీనికి ప్రతిగా పాక్‌ దాడులకు యత్నించగా భారత బలగాలు సమర్థంగా అడ్డుకున్నాయి. ఈ క్రమంలో 2019, ఫిబ్రవరి 27న పాకిస్తాన్ కి చెందిన ఎఫ్‌-16 యుద్ధ విమానాన్ని కూల్చేసిన అభినందన్‌, అనంతరం తాను నడుపుతున్న మిగ్‌-21 బైసన్‌ దాడికి గురై పాక్‌ భూభాగంలో కూలడంతో ఆ దేశంలో మూడు రోజులపాటు బందీగా ఉన్న సంగతి తెలిసిందే.
మేజర్‌ భురేకు శౌర్య చక్ర..
మేజర్‌ మహేశ్‌కుమార్‌ భురేను భారత ప్రభుత్వం శౌర్య చక్ర పురస్కారంతో సత్కరించింది. రాష్ట్రపతి కోవింద్‌ చేతుల మీదుగా భురే అవార్డును స్వీకరించారు. 2018లో కశ్మీర్‌లో ఒక ఎన్‌కౌంటర్‌కు నేతృత్వం వహించి ఆరుగురు టాప్ ఉగ్ర కమాండర్‌లను మట్టుబెట్టారు.
చ‌ద‌వండి: ఇందిరా గాంధీ శాంతి బహుమతికి ఎంపికైన సంస్థ?
క్విక్‌ రివ్యూ :
ఏమిటి : భారత వాయుసేన గ్రూప్‌ కెప్టెన్‌ అభినందన్‌ వర్ధమాన్‌కు వీర్‌ చక్ర పురస్కారం ప్రదానం
ఎప్పుడు : నవంబర్ 22
ఎవరు : రాష్ట్రపతి రామ్‌నాథ్‌ కోవింద్‌
ఎక్కడ : న్యూఢిల్లీ
ఎందుకు : 2019, ఫిబ్రవరి 27న జరిగిన ఘర్షణల సమయంలో పాకిస్తాన్ యుద్ధవిమానాన్ని కూల్చి, అసమాన ధైర్య సాహసాలు ప్రదర్శించినందున..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
