‘స్పా’ డిగ్రీ, పీజీ, పీహెచ్‌డీ కోర్సులకు అర్హతలు, ఎంపిక విధానం

ఆర్కిటెక్చర్, ప్లానింగ్, డిజైనింగ్‌పై ఆసక్తి గల అభ్యర్థులకోసం ఢిల్లీలోని స్కూల్ ఆఫ్ ప్లానింగ్ అండ్ ఆర్కిటెక్చర్ (స్పా) డిగ్రీ, పీజీ, డాక్టోరల్ కోర్సులను అందిస్తోంది. 2020-21 విద్యా సంవత్సరానికి పీజీ కోర్సుల్లో ప్రవేశాలకు స్పా ఇటీవల నోటిఫికేషన్ విడుదల చేసింది. ఈ నేపథ్యంలో.. స్పా అందించే కోర్సులు, అర్హతలు, ప్రవేశ విధానం వివరాలు...

పీజీ ప్రోగ్రామ్స్.. అర్హతలు :

• ఎంఆర్క్ ఆర్కిటెక్చరల్ కన్జర్వేషన్ అండ్ అర్బన్ డిజైన్: ఆర్కిటెక్చర్ లేదా ప్లానింగ్‌లో బ్యాచిలర్ డిగ్రీ పూర్తిచేసిన అభ్యర్థులు ఈ ప్రోగ్రామ్‌కు దరఖాస్తు చేసుకోవడానికి అర్హులు.
• ఇండస్ట్రియల్ డిజైన్: ఈ ప్రోగ్రామ్‌కు దరఖాస్తు చేసుకోవాలనుకునే అభ్యర్థులు ఆర్కిటెక్చర్‌లో బ్యాచిలర్ డి గ్రీ పూర్తిచేసి ఉండాలి లేదా తత్సమాన విద్యార్హత అయిన డిజైనింగ్ లేదా ఫైన్ ఆర్ట్స్ డిగ్రీ ఉత్తీర్ణులవ్వాలి. లేదా సంబంధిత స్ట్రీమ్‌లో వ్యాలిడ్ సీడ్ స్కోర్ సాధించాలి.
• ఎంప్లాన్ ఎన్విరాన్‌మెంటల్ ప్లానింగ్: ప్లానింగ్‌లో బ్యాచిలర్ డిగ్రీ లేదా ఆర్కిటెక్చర్ లేదా సివిల్ ఇంజనీర్, ఆర్కిటెక్చరల్ ఇంజనీరింగ్, ఎన్విరాన్‌మెంటల్ ఇంజనీరింగ్, జాగ్రఫీ, ఎకానమీ, సోషియాలజీ, ఎన్విరాన్‌మెంట్‌ల్ సైన్స్ లేదా ఎన్విరాన్‌మెంట్ మేనేజ్‌మెంట్‌లో మాస్టర్ డిగ్రీ పూర్తిచేయాలి.
• హౌసింగ్: ఈ కోర్సుకు దరఖాస్తు చేసుకోవాలనుకునే అభ్యర్థులు ప్లానింగ్, సివిల్, ఆర్కిటెక్చర్, మున్సిపల్, బిల్డింగ్‌ల్లో ఏదైనా ఒక దాంట్లో బ్యాచిలర్ డిగ్రీ పూర్తిచేసి ఉండాలి. లేదా ఎంఏ ఇన్ సోషియాలజీ/ఎకనమిక్స్ ఉత్తీర్ణులవ్వాలి.
• రీజనల్ అండ్ అర్బన్ ప్లానింగ్: ఈ కోర్సుకు దరఖాస్తు చేసుకోవాలనుకునే అభ్యర్థులు ప్లానింగ్, సివిల్, ఆర్కిటెక్చర్, మున్సిపల్, బిల్డింగ్ ఇంజనీరింగ్‌ల్లో ఏదైనా ఒక దాంట్లో బ్యాచిలర్ డిగ్రీ ఉత్తీర్ణులై ఉండాలి. లేదా ఎంఏ ఇన్ సోషియాలజీ లేదా ఎకనమిక్స్ పూర్తిచేసి ఉండాలి.
• ట్రాన్స్‌పోర్ట్ ప్లానింగ్: ఈ కోర్సుకు దరఖాస్తు చేసుకోవాలనుకునే అభ్యర్థులు ప్లానింగ్, సివిల్, ఆర్కిటెక్చరర్ ఇంజనీరింగ్‌లలో బ్యాచిలర్ డిగ్రీ ఉత్తీర్ణులవ్వాలి. లేదా స్టాటిస్టిక్స్/ ఆపరేషన్ రీసెర్చ్, ఎకనమిక్స్‌లో మాస్టర్స్ డిగ్రీ ఉండాలి.
• ఎంబీఈఎం బిల్డింగ్ ఇంజనీరింగ్ అండ్ మేనేజ్‌మెంట్: ఈ ప్రోగ్రామ్‌కు దరఖాస్తు చేసుకోవాలనుకునే అభ్యర్థులు సివిల్ ఇంజనీరింగ్/బిల్డింగ్ ఇంజనీరింగ్, బిల్డింగ్ సైన్స్/ఆర్కిటెక్చరర్/ఆర్కిటెక్చర్ కలిగి ఉండాలి. డిప్లొమా అభ్యర్థులు కన్‌స్ట్రక్షన్ టెక్నాలజీలో ఐదేళ్ల డిప్లొమా పూర్తిచేసి ఉండాలి.
• మాస్టర్ ఆఫ్ ల్యాండ్ స్పేస్ ఆర్కిటెక్చర్: ఈ ప్రోగ్రామ్‌కు దరఖాస్తు చేసుకోవాలనుకునే వారికి ల్యాండ్ స్పేస్ ఆర్కిటెక్చర్‌లో బ్యాచిలర్ డిగ్రీ ఉత్తీర్ణత లేదా ప్లానింగ్‌లో మాస్టర్ డిగ్రీ లేదా తత్సమాన పోస్ట్‌గ్రాడ్యుయేషన్ డిప్లొమా కలిగిన వారై ఉండాలి.

గమనిక: పైన తెలిపిన విద్యార్హతల్లో జనరల్ అభ్యర్థులు కనీసం 55శాతం మార్కులతో ఉత్తీర్ణత సాధించిన వారై ఉండాలి. ఎస్సీ, ఎస్టీ, ఓబీసీ అభ్యర్థులు 50 మార్కులు సాధిస్తే సరిపోతుంది.
 
 ఎంపిక ప్రక్రియ :
 ఈ కోర్సులకు దరఖాస్తు చేసుకున్న అభ్యర్థులకు రాత పరీక్ష, ఇంటర్వ్యూలను నిర్వహించి.. అభ్యర్థులను తుది ఎంపిక చేసి.. ఆయా కోర్సుల్లో ప్రవేశాలను కల్పిస్తారు.
 
 బ్యాచిలర్ డిగ్రీ :
 ఇంటిగ్రేటెడ్ మాస్టర్స్ ఆఫ్ ప్లానింగ్ ప్రోగ్రామ్ కింద అందించే బ్యాచిలర్ ప్రోగ్రామ్‌లో బీప్లాన్, బీఆర్క్‌లో ప్రవేశాలను కల్పిస్తారు. ఈ కోర్సు కాల వ్యవధి ఐదేళ్లు. జేఈఈ మెయిన్‌లో చూపిన ప్రతిభ ఆధారంగా ప్రవేశాలు కల్పిస్తారు.
 అర్హత: మ్యాథమెటిక్స్ తప్పనిసరి సబ్జెక్టుగా ఇంటర్ లేదా తత్సమాన విద్యార్హతను 50శాతం మార్కులతో పూర్తిచేసిన వారు అర్హులు.
 
 పీహెచ్‌డీ :
 ప్లానింగ్ అండ్ ఆర్కిటెక్చర్‌లో పీహెచ్‌డీ చేయాలనుకునే అభ్యర్థులు.. ఆర్కిటెక్చర్, ఫిజికల్ ప్లానింగ్, బిల్డింగ్ ఇంజనీరింగ్, ఇండస్ట్రియల్ డిజైన్, ల్యాండ్ స్పేస్ ఆర్కిటెక్చర్,ఆర్కిటెక్చరల్ కన్సర్వేషన్, అర్బన్‌డిజైన్, రీజినల్‌ప్లానింగ్, ఎన్విరాన్ మెంటల్ ప్లానింగ్, హౌసింగ్, ట్రాన్స్‌పోర్ట్ ప్లానింగ్ విభాగాలను ఎంచుకోవచ్చు.
 అర్హత: సంబంధిత స్పెషలైజేషన్‌లో మాస్టర్ డిగ్రీ ఉత్తీర్ణులై, పని అనుభవం కలిగి ఉండాలి. లేదా బీఆర్క్/బీప్లాన్ పూర్తిచేసి ఐదేళ్ల పని అనుభవం ఉండాలి. లేదా బ్యాచిలర్స్ ఇన్ అలైడ్ సబ్జెక్టు ఉత్తీర్ణులై ఉండి పదేళ్ల అనుభవం సొంతం చేసుకోవాలి.
 గమనిక:  పైన తెలిపిన అన్ని అర్హతల్లో కనీసం 55శాతం మార్కులతో ఉత్తీర్ణత సాధించిన వారే దరఖాస్తుకు అర్హులు .
 
ముఖ్యమైన సమాచారం :
దరఖాస్తుకు చివరి తేదీ: 13 మార్చి 2020
పీజీ కోర్సులకు ప్రవేశ పరీక్ష, ఇంటర్వ్యూ తేదీలు: మార్చి 30, 31, ఏప్రిల్ 01
ఎంపికైన అభ్యర్థుల జాబితా: 17 ఏప్రిల్ 2020
అకడమిక్ సెషన్ ప్రారంభం: 3 ఆగస్టు 2020
పూర్తి వివరాలకు వెబ్‌సైట్: www.spa.ac.in