గేట్, ఈఎస్‌ఈప్రిలిమ్స్ ఒకేలా.. ప్రిపరేషన్ టిప్స్ తెలుసుకోండిలా..

గేట్, ఈఎస్‌ఈ ప్రిలిమ్స్ పరీక్ష దాదాపు ఒకే విధంగా ఉంటాయి. రెండు పరీక్షలు ఆబ్జెక్టివ్ విధానంలోనే నిర్వహిస్తారు. గేట్‌లో కొన్ని స్వల్ప సమాధాన ప్రశ్నలు అడిగే అవకాశం ఉంది.

• ఈఎస్‌ఈ ప్రిలిమినరీ పరీక్ష రెండు పేపర్లలో 500 మార్కులకు జరుగుతుంది. వీటిలో పేపర్-1 జనరల్ స్టడీస్ అండ్ ఇంజనీరింగ్ ఆప్టిట్యూడ్ పేపర్. కాగా, పేపర్-2 అభ్యర్థులు ఎంపిక చేసుకున్న సబ్జెక్ట్‌పై ఉంటుంది. ఈఎస్‌ఈ ప్రిలిమినరీ పరీక్షనే స్టేజ్-1ఎగ్జామ్‌గా కూడా పేర్కొంటారు. మెయిన్‌ను స్టేజ్-2 ఎగ్జామ్‌గా పిలుస్తారు.
• పూర్తిగా డిస్క్రిప్టివ్ విధానంలో ఉండే మెయిన్/స్టేజ్-2 ఎగ్జామ్‌లో అభ్యర్థులు తాము దరఖాస్తులో పేర్కొన్న సబ్జెక్ట్‌పై రెండు పేపర్లకు హాజరవ్వాల్సి ఉంటుంది. ఒక్కో పేపర్‌కు మూడు వందల మార్కులు చొప్పున మొత్తం ఆరు వందల మార్కులకు మెయిన్/స్టేజ్-2 పరీక్ష జరుగుతుంది.
• మెయిన్/స్టేజ్-2 పరీక్షలో నిర్దిష్ట కటాఫ్ జాబితాలో నిలిచిన అభ్యర్థులకు స్టేజ్-3 పేరిట 200 మార్కులకు పర్సనాలిటీ టెస్ట్(ఇంటర్వ్యూ) నిర్వహిస్తారు.
• ఇందులోనూ విజయం సాధించి తుది జాబితాలో నిలిస్తే ఇండియన్ రైల్వేస్, టెలికం, డిఫెన్స్, బోర్డర్ రోడ్ ఇంజనీరింగ్ సర్వీసెస్, సెంట్రల్ వాటర్ వర్క్స్, డిఫెన్స్ సర్వీసెస్, ఆర్డినెన్స్ ఫ్యాక్టరీ తదితర పదికి పైగా కేంద్ర ప్రభుత్వ శాఖల్లో ఎ-లెవల్ హోదాతో ఇంజనీర్ ఉద్యోగం ఖరారవుతుంది.

ఇంకా చదవండి: part 3: గేట్, ఈఎస్‌ఈ పరీక్ష ప్రిపరేషన్ ఎలా ఉండాలి?