Skip to main content

APPSC Chairman Gowtham Sawang : ఈలోపే గ్రూప్‌-1 & 2 ఉద్యోగాల‌కు నోటిఫికేష‌న్‌.. పెరిగిన పోస్టులు ఇవే.. ప్రిలిమ్స్ ప‌రీక్ష ఎప్పుడంటే..?

సాక్షి ఎడ్యుకేష‌న్ : ఎప్పుడెప్పుడా అని ఎదురుచూస్తున్న నిరుద్యోగుల‌కు ఆంధ్ర‌ప్ర‌దేశ్ ప‌బ్లిక్ స‌ర్వీస్ క‌మిష‌న్ (ఏపీపీఎస్సీ) ఛైర్మ‌న్ గౌత‌మ్ స‌వాంగ్ గుడ్‌న్యూస్ చెప్పారు.

గ్రూప్‌-1లో 100 ఉద్యోగాలకు, గ్రూప్‌-2లో 900 పోస్టుల‌కు నోటిఫికేష‌న్ ఇస్తామ‌న్నారు. అలాగే ఈ గ్రూప్‌-1 & 2 ఉద్యోగాల‌ నోటిఫికేష‌న్‌ల‌ను ఈ నెల (న‌వంబ‌ర్‌) చివ‌రిలోపు ఎప్పుడైన విడుద‌ల చేస్తామ‌న్నారు. 2024 ఫిబ్రవరిలో గ్రూప్‌-1&2 ప్రిలిమ్స్ నిర్వహింస్తామ‌న్నారు. ఈ పోస్టుల భ‌ర్తీ ప్ర‌క్రియ పూర్తి పారదర్శకంగా ఉండేలా చర్యలు తీసుకుంటామ‌న్నారు. 2022 గ్రూప్-1 ప్రక్రియను రికార్డుస్ధాయిలో తొమ్మిది నెలల్లో పూర్తి చేసిన విష‌యం తెల్సిందే. ఈ సారి గ్రూప్‌-1 & 2 ఉద్యోగాల భ‌ర్తీ ప్ర‌క్రియ‌ను కూడా వేగ‌వంతంగా పూర్తి చేస్తామ‌న్నారు. గ్రూప్-2 సిలబస్ లో మార్పులు చేశామ‌న్నారు.

☛ APPSC Group-1 First Ranker Rani Susmita Interview : గ్రూప్‌-1 ఫ‌స్ట్ ర్యాంక్ కొట్టానిలా.. ఇలా చ‌దివితే..

గ్రూప్‌-1 & 2 ప‌రీక్షావిధానంలో మార్పులు ఇవే :

appsc group 1 and 2 new exam system 2023 telugu

ఏపీపీఎస్సీ గ్రూప్-1 పరీక్షావిధానంలో కొన్ని కీలక‌ మార్పులు చేయబోతున్నాం. గ్రూప్-1 ప్రిలిమ్స్ లో రెండు పేపర్ల స్ధానంలో ఈ సారి ఒక పేపర్ మాత్ర‌మే ఉంటుంది. అలాగే గ్రూప్-1 మెయిన్స్‌ అయిదు ప్రధాన పేపర్లకి బదులు నాలుగే ఉంటాయి. ఇందులో రెండు పేపర్లు ఆబ్జెక్టివ్ తరహాలో...రెండు పేపర్లు డిస్క్రిప్షన్ తరహాలో ఉంటాయి. లాంగ్వేజ్‌లో రెండు పేపర్లకి బదులు ఒక పేపర్ మాత్రమే ఉంటుంది. అలాగే ఈ సిలబస్‌లో ఎటువంటి మార్పులు ఉండవు. నిరుద్యోగ అభ్యర్ధులకి మేలు చేయడానికే ఈ నిర్ణయం తీసుకున్నామ‌ని గౌత‌మ్ స‌వాంగ్ తెలిపారు.

☛ APPSC Group-1&2 ఉద్యోగాల స్డ‌డీ మెటీరియ‌ల్‌, బిట్‌బ్యాంక్‌, మోడ‌ల్‌పేప‌ర్స్‌, ప్రీవియ‌స్ పేప‌ర్స్‌, గైడెన్స్‌, ఆన్‌లైన్ టెస్టులు, స‌క్సెస్ స్టోరీలు మొద‌లైన వాటి కోసం క్లిక్ చేయండి

ఆ తర్వాతే ఈ మార్పులు..

appsc latest telugu news

యూపీఎస్సీ, మహారాష్ట్ర లాంటి వివిధ రాష్ట్రాల పబ్లిక్ సర్వీస్ కమీషన్లని పరిశీలించిన తర్వాతే ఈ మార్పులు చేస్తున్నామ‌న్నారు. డిసెంబర్ నెలలో 2200 అసిస్టెంట్ ప్రొఫెసర్ పోస్టులకి ఏపీపీఎస్సీ ఆద్వర్యంలో పరీక్షలు జ‌ర‌నున్నాయి. అలాగే జనవరిలో ఫలితాలు వెల్లడిస్తామ‌న్నారు. ఏపీపీఎస్సీకి సంబంధం లేని పరీక్షలు నిర్వహించాల్సి వచ్చినపుడు బడ్జెట్ మాత్రం ఆయా శాఖలు భరిస్తాయి. అలాగే కొన్ని పత్రికలు ఈ ఉద్యోగాల‌పై పూర్తిగా తప్పుడు కథ‌నాలు ప్రచురించాయి. వీటిని తీవ్రంగా ఖండిస్తున్నాను. అలాగే ఏపీలో నిరుద్యోగ అభ్యర్దులు గ్రూప్-1, గ్రూప్ 2 ఉద్యోగ‌ పరీక్షలకు కష్టపడి ప్రిపేర్ అవ్వాలని సూచిస్తున్నాను.

Published date : 01 Nov 2023 06:25PM

Photo Stories